The Woman King - ასე ერქმევა TriStar-ის ახალ ფილმს, რომელშიც მთავარ როლებს ოსკარის მფლობელი მსახიობები ვაიოლა დევისი და ლუპიტა ნიონგო შეასრულებენ.

ინფორმაცია ამის შესახებ სხვადასხვა სააგონეტოების გარდა, საკუთარ ფანებს თავად ვაიოლა დევისმა ამცნო.

ფილმი, რომლის სიუჟეტიც რეალურ ამბავზეა დაფუძნებული, ლუპიტა და ვაიოლა დედა-შვილს ნანიშას და ნავის განასახიერებენ.

The Woman King-ში მოქმედება მეცხრამეტე საუკუნეში ვითარდება და მოგვითხრობს დედა-შვილის ბრძოლას ფრანგი დამპყრობლების წინააღმდეგ. ეს ის პერიოდია, როდესაც მთლიანად ქალებისგან შემდგარმა სამხედრო დანაყოფმა, რომელსაც ამაზონებს ეძახდნენ, დიდი წინააღმდეგობა გაუწია კოლონიზატორებს.

ფილმის გამოსვლის თარიღი ჯერ-ჯერობით უცნობია.