ქუთაისში საქართველოს ბანკის ფილიალი დააყაჩაღეს. ყაჩაღობის დროს დამნაშავემ ერთი მოქალაქე დაჭრა. ამის შესახებ ინფორმაცია On.ge-ს შინაგან საქმეთა სამინისტროში განუცხადეს.

როგორც უწყებაში ამბობენ, ბანკი დღეს, 22 იანვარს დააყაჩაღეს და ბრალდებულის დადგენა-დაკავების მიზნით მიმდინარეობს ინტენსიური საგამოძიებო მოქმედებები.

საქმეზე გამოძიება სისხლის სამართლის კოდექსის 179-ე მუხლით დაიწყო. ამ მუხლით, ყაჩაღობა ჩადენილი სიცოცხლისათვის ან ჯანმრთელობისათვის საშიში ძალადობით ანდა ასეთი ძალადობის გამოყენების მუქარით ისჯება თავისუფლების აღკვეთით ვადით ხუთიდან შვიდ წლამდე.

ბოლო რამდენიმე თვის განმავლობაში საქართველოს ბანკის სხვადასხვა ფილიალები დააყაჩაღეს.