პარლამენტის იურიდიულ საკითხთა კომიტეტის თავმჯდომარის პირველი მოადგილე, ვანო ზარდიაშვილი იუსტიციის უმაღლესი საბჭოს არამოსამართლე წევრად ანა დოლიძის დანიშვნას აკრიკიტებს. მისი აზრით, დოლიძე ვერ გამიჯნავს ერთმანეთისგან პოლიტიკასა და მართლმსაჯულებას:

"უბრალოდ, მას ვერ გაურჩევია, რომ სააკაშვილი თავის 9-წლიან მმართველობაში იყო ჭანჭიკი და მარგველაშვილი თავის 5-წლიან მმართველობაში დევგმირია, მას, რეალურად, ასე ჰგონია. შესაბამისად, მე ძალიან პესიმისტურად ვარ განწყობილი იმასთან დაკავშირებით, რომ ის ამოვა მართლმსაჯულების ინტერესიდან და სასამართლო ხელისუფლების ინტერესიდან და მგონია, რომ ის შეიტანს პოლიტიკას იუსტიციის უმაღლეს საბჭოში. ხუმრობით, ვულოცავ იუსტიციის უმაღლეს საბჭოს, მათ პატარა ცირკები ელოდებათ".

პრეზიდენტის საპარლამენტო მდივანი ანა დოლიძე იუსტიციის საბჭოს არამოსამართლე წევრად გიორგი მარგველაშვილმა დღეს დანიშნა. დოლიძე პრეზიდენტის საპარლამენტო მდივნად 2016 წლის 27 ივნისიდან მუშაობდა.