საქართველოს პრეზიდენტმა, გიორგი მარგველაშვილმა, იუსტიციის უმაღლესი საბჭოს არამოსამართლე წევრად თავისი საპარლამენტო მდივანი, ანა დოლიძე წარადგინა. გადაწყვეტილების შესახებ ინფორმაცია რამდენიმე წუთის წინ გახდა ცნობილი, პრეზიდენტმა პრესკონფერენცია გამართა.

დოლიძე პრეზიდენტის საპარლამენტო მდივნად 2016 წლის 27 ივნისიდან მუშაობდა.

ანა დოლიძის გამოცდილება:

  • 2000–2001 წლებში ორგანიზაცია Project Harmony International-ის საქართველოს ოფისში ოჯახური ძალადობის საზოგადოებრივი თანამშრომლობის პროგრამის ასისტენტი, შემდეგ - ამავე პროგრამის კოორდინატორი;
  • 2002 წელს გაიარა სტაჟირება ჰააგის საერთაშორისო საარბიტრაჟო სასამართლოში;
  • 2001-2004 წლებში მუშაობდა საქართველოს ახალგაზრდა იურისტთა ასოციაციაში კოორდინატორის თანაშემწის, ასოციაციის თავმჯდომარის მოადგილის, ხოლო 2004 - 2006 წლებში ამავე ასოციაციის თავმჯდომარის თანამდებობაზე;
  • 2008-2009 წლებში იყო ევროპისა და ცენტრალური აზიის პროგრამის Human Rights Watch-ის მკვლევარი, 2010–2011 წლებში - მსოფლიო ბანკის კონსულტანტი (აშშ);
  • 2015 წლის მაისიდან 2016 წლის 27 ივნისამდე მუშაობდა საქართველოს თავდაცვის მინისტრის მოადგილის თანამდებობაზე;
  • 2005-2015 წლებში კითხულობდა ლექციებს კავკასიის სამართლის სკოლაში, ქართულ-ამერიკულ უნივერსიტეტში; უელსის კოლეჯში (აშშ); ელმირას მკაცრი რეჟიმის სასჯელაღსრულებით დაწესებულებაში (აშშ); ნიუ-იორკის უნივერსიტეტში (აშშ); კომპლუტენსის უნივერსიტეტში (ესპანეთი), დიუკის უნივერსიტეტში (აშშ); 2013 წლიდან არის დასავლეთ ონტარიოს უნივერსიტეტის იურიდიული ფაკულტეტის ასისტენტი პროფესორი(კანადა);
  • გამოქვეყნებული აქვს 20-ზე მეტი სამეცნიერო ნაშრომი და ანგარიში გარდამავალი პერიოდის მართლმსაჯულების, ადამიანის უფლებათა საერთაშორისო და ევროპული სამართლის, საერთაშორისო სამართლის საკითხებზე.