Veuve Clicquot სახელობის საქმიანი ქალის ჯილდო საქართველოში წელს პირველად გაიცა და მისი მფლობელი კომპანია Dio-ს დამფუძნებელი ირმა დაუშვილი გახდა. გამარჯვებულს გადაეცა სამახსოვრო თასი ინდივიდუალური გრავირებით, ის ასევე შეითავსებს ბრენდის ელჩის როლს წლის განმავლობაში; გარდა ამისა, Veuve Clicquot-ს ვენახში ვაზის ერთ ძირს გამარჯვებულის სახელი დაერქმევა.

ტრადიციულ ჯილდოს შამპანურის სახლი Veuve Clicquot ყოველწლიურად მსოფლიოს 27 ქვეყანაში გასცემს ინოვაციური აზროვნების, თამამი იდეებისა და სტერეოტიპების ნგრევისათვის. ეს ჯილდო ერთგვარ „ოსკარად“ იქცა საქმიანი ქალებისათვის მსოფლიოს მრავალ ქვეყანაში, მათთვის ის ნიშნავს ახალ შესაძლებლობებს შემდგომი წინსვლისთვის.

ამ საპატიო ჯილდოს ფლობენ მსოფლიოში ცნობილი ისეთი ქალები, როგორებიც არიან: ლეგენდარული არქიტექტორი ზაჰა ჰადიდი (Zaha Hadid), ბრიტანელი დიზაინერი ანია ჰინდმარჩი (Anya Hindmarch) და სხვები.

საქმიანი ქალებისათვის მსოფლიოში ერთ-ერთი ყველაზე პრესტიჟული ჯილდოს მოსაპოვებლად ეროვნულმა ჟიურიმ ოთხი ნომინანტი შეარჩია: ნანი ანდიაშვილი, საერთაშორისო კორპორაცია ICR-ის თანადამფუძნებელი და დირექტორი, მაია ბიბილური, BTL ბიზნეს ტურიზმის კომპანიის დირექტორი, მარიკა ბიბილეიშვილი, ჩაის მაღაზიების ქსელის, Teamania-ს და რესტორნების ქსელის, Downtown-ის თანადამფუძნებელი და ირმა დაუშვილი, კომპანია Dio-ს დამფუძნებელი.

Veuve Clicquot ლუქსკლასის შამპანურის ერთ-ერთი ყველაზე ცნობილი, ძვირადღირებული და ხარისხიანი ბრენდია. Veuve Clicquot – „კლიკოს ქვრივს“ ნიშნავს: სწორედ 27 წლის ასაკში დაქვრივებული მადამ კლიკოს დამსახურებით გახდა ეს ბრენდი ევროპის ბურჟუაზიის საყვარელი სასმელი. მადამ კლიკოს სახელს უკავშირდება რამდენიმე მნიშვნელოვანი ინოვაცია ღვინის სამყაროში, როგორიცაა: რემუაჟის მაგიდის გამოგონება (მოწყობილობა, რომელიც ხელს უწყობს შამპანურის ნალექისგან დაწმენდას), პირველი ვინტაჟი და პირველი როზე, რომელიც წითელი და თეთრი ღვინის შერევით მიიღება.

1972 წელს, მადამ კლიკოს დამსახურების კიდევ ერთხელ დასაფასებლად, Veuve Clicquot-ს საქველმოქმედო ფონდმა დააწესა ჯილდო საქმიანი ქალებისთვის, რომლებიც მადამ კლიკოს სულისკვეთებას, ხასიათის სიმტკიცეს და ინოვაციურ ხედვას იზიარებენ.

ნომინანტების შესაფასებლად და დასაჯილდოებლად რამდენიმე კრიტერიუმია დაწესებული: ბიზნესმენ ქალს უნდა ჰქონდეს სამეწარმეო სულისკვეთება და, ამასთან, საკუთარ ორგანიზაციაშიც უზრუნველყოფდეს ამ სულისკვეთების კულტივირებას; ნომინანტი უნდა იყოს კომპანიის წამყვანი ძალა, იღებდეს თამამ გადაწყვეტილებებს თავისი საქმის ახლანდელი და სამომავლო წარმატებისთვის და აუცილებლად იყოს სამაგალითო როგორც კომპანიის შიგნით, ისე ფართო საზოგადოებისთვის.

1772 წელს დაარსებული შამპანურის სახლი Veuve Clicquot 1987 წლიდან LVMH Group-ის შემადგენლობაშია. მთავარი ოფისი რეიმსში მდებარეობს. მას სათავეში ქალი, სესილ ბონფონდი უდგას. კომპანიის ვენახები 393 ჰექტარზეა

გადაჭიმული, სარდაფების სიგრძე 24 კილომეტრს შეადგენს, პროდუქცია კი მსოფლიოს 150 ქვეყანაში იყიდება. Veuve Clicquot-ს ექსკლუზიური დისტრიბუტორი საქართველოში კომპანია „გდ ალკოა“.