კოალიცია ძლიერი საქართველო — ლელოს ერთ-ერთი ლიდერი, სალომე სამადაშვილი სოციალურ ქსელში თეთრი სახლის ანგარიშს გამოეხმაურა, რომლის მიხედვითაც, ჩინეთი აშშ-ის ტარიფებისთვის გვერდის ავლის მიზნით მესამე ქვეყნებს, მათ შორის საქართველოს იყენებს.

სალომე სამადაშვილმა დაწერა, რომ რუსეთი და ირანი, ორივე სანქციების გვერდის ასავლელად იყენებს საქართველოს. მისივე განმარტებით, აღმოჩნდა, რომ ჩინეთიც სარგებლობს საქართველოს ტერიტორიით აშშ-ის პრეზიდენტ ტრამპის მიერ დაწესებული ტარიფებისგან თავის არიდების მიზნით.

"რუსეთი და ირანი, ორივე სანქციების გვერდის ასავლელად იყენებს საქართველოს, ეს უკვე ვიცით, დადასტურებულია ევროკავშირის და აშშ-ს სანქციებით.

აღმოჩნდა, რომ ჩინეთიც სარგებლობს ჩვენი ტერიტორიით პრეზიდენტ ტრამპის მიერ დაწესებული ტარიფებისგან თავის არიდების მიზნით...

მაგრამ ზაფხულია, ვერ მოიცალა ჯერ აშშ-მ ივანიშვილთან "გადატვირთვისთვის"... ვერც "დიპ სტეიტი" დაამარცხა, ჯერ... ეს ანგარიში კი, აშკარად ''მადე" ინ დიპსეტეიტაა", — დაწერა სალომე სამადაშვილმა.

შეგახსენებთ, თეთრი სახლის ანგარიშის "დიდი ტრანზიტული თაღლითობას" (The Great Transshipment Scam) თანახმად, ჩინეთი აშშ-ის ტარიფებისთვის გვერდის ავლის მიზნით მესამე ქვეყნებს, მათ შორის საქართველოს იყენებს.

ანგარიშის ავტორების მიერ "დიდი ტრანზიტული თაღლითობის" მონაწილეებად იდენტიფიცირებული დაახლოებით 40 ქვეყანა პირობითად სამ კატეგორიად იყოფა.

ანგარიშის შესახებ ვრცლად წაიკითხეთ აქ.