სახალხო დამცველის აპარატის განცახდებით, ომბუდსმენი "ზოგადი განათლების შესახებ" კანონში შესულ ცვლილებას შეისწავლის, რომლის საფუძველზეც, 2026 წლის 4 თებერვლიდან სწავლის დასაწყებად ბავშვს 6 წელი მიმდინარე სასწავლო წლის 15 სექტემბრის ჩათვლით უნდა უსრულდებოდეს.

"ამ საკითხთან დაკავშირებით 2026 წლის 27 თებერვალს სახალხო დამცველი იმ მშობელთა ნაწილს შეხვდა, რომელთა შვილებს 6 წელი 2026 წლის 16 სექტემბრიდან 31 დეკემბრის ჩათვლით უსრულდებათ.

სახალხო დამცველი, თავისი უფლებამოსილების ფარგლებში, განიხილავს კანონში ცვლილების თაობაზე გადაწყვეტილების პროცესში რამდენად იყო დაცული ბავშვის საუკეთესო ინტერესი და რა შესაძლო გავლენა შეიძლება ჰქონდეს აღნიშნულ ცვლილებებს ბავშვების უფლებრივ მდგომარეობაზე," — ვკითხულობთ განცხადებაში.

შეგახსენებთ, მშობლები "ზოგადი განათლების შესახებ" კანონში შეტანილ ცვლილებს აპროტესტებენ, რომლის თანახმადაც 15 სექტემბრის შემდეგ დაბადებული ბავშვები სკოლაში შესვლას ვეღარ შეძლებენ.

მშობლების განმარტებით, აღნიშნული გადაწყვეტილება ქართული ოცნების პარლამენტმა ნაჩქარევად მიიღო — იმ დროს, როდესაც მოსწავლეთა რეგისტრაცია 2 კვირაში დაიწყო და ბავშვები და ოჯახები რეალურად მზად იყვნენ სწავლის დასაწყებად. აღნიშნულ საკითხზე პარლამენტში პეტიციაც შეიტანეს, თუმცა უარი მიიღეს.

მშობლებმა აღნიშნულ თემაზე ოცნების პრემიერ ირაკლი კობახიძეს და სახალხო დამცველს შეხვედრის ჩანიშვნისა და საკითხის განხილვის თხოვნით მიმართეს.