რუსეთის კომუნიკაციების განვითარების ეროვნულმა კვლევითმა ინსტიტუტმა (NIIRC) გამოაქვეყნა "პოსტსაბჭოთა ქვეყნებში კომუნიკაციის რეჟიმების მეგობრული დამოკიდებულების" ყოველწლიური რეიტინგი.

საქართველო, წინა წლის მსგავსად, "შედარებით მეგობრული ქვეყნების" სიაში მოხვდა. მისი "მეგობრულობის" შეფასება 15-დან 19.4 ქულამდე გაიზარდა.

რუსი ექსპერტების აზრით, თვითგამოცხადებული სამხრეთ ოსეთის რესპუბლიკა რუსეთის მიმართ ყველაზე მეგობრულია. მას მოსდევს ოკუპირებული აფხაზეთი, ბელარუსი და ცენტრალური აზიის ქვეყნები.

სომხეთისა და აზერბაიჯანის "მეგობრული დამოკიდებულების" ქულები შემცირდა. არამეგობრული ქვეყნების სიას მოლდოვა, ლიეტუვა, ლატვია, ესტონეთი და უკრაინა დაემატნენ, რომლებიც ბოლო ერთი წლის განმავლობაში კიდევ უფრო "არამეგობრული" გახდნენ. უკრაინამ 100-დან 99 ქულა დააგროვა.

მონიტორინგის მონაცემებით, 2025 წელს საქართველოს მაჩვენებლების ზრდა ძირითადად ეკონომიკური კომუნიკაციების ჯგუფით, ასევე რუსეთის, რუსებისა და რუსულენოვანი მოსახლეობის მიმართ დამოკიდებულებითაა განპირობებული. მინიმალური გაუმჯობესება აღინიშნა მედიაკომუნიკაციებისა და არასამთავრობო სექტორის კომუნიკაციების სფეროებშიც.

რუსეთის კვლევითი ინსტიტუტი აზუსტებს, რომ 2025 წელს საქართველო რუსეთის მიმართ პოლიტიკურ და დიპლომატიურ დისტანციას პირდაპირი კონფრონტაციის თავიდან არიდების ფონზე ინარჩუნებდა. ამ მიდგომის ძირითადი ელემენტებია: პოზიცია "ომში არჩართვის" შესახებ, სანქციებთან მიერთებაზე უარის თქმა და ურთიერთქმედების მინიმალურად აუცილებელი არხების მიზანმიმართული შენარჩუნება.

"სახელმწიფო მედიის დღის წესრიგი ძირითადად შიდაპოლიტიკური მიზნებითაა განპირობებული და არა ანტირუსული დღის წესრიგით. არსებობს ქვეყნები, სადაც ანტირუსული განწყობები მთელ კონტენტს მართავს . აქ კი სხვა მიზნებია — შიდაპოლიტიკური," — აღნიშნა კომლევამ.