ოცნების პარლამენტის თავმჯდომარემ, შალვა პაპუაშვილმა დღევანდელ ბრიფინგზე კიდევ ერთხელ გაიმეორა, რომ იურისტები BBC საკითხზე მუშაობენ და ყველა სამართლებრივ ინსტრუმენტს გამოიყენებენ ტყუილის სამხელად.

"იურისტები BBC საკითხზე მუშაობენ. ვსწავლობთ იმ პროცედურებს, რომლებიც დიდ ბრიტანეთში არსებობს, როგორც კომუნიკაციის კომისიის საკითხში, ასევე სასამართლოს მიმართულებით. ყველა სამართლებრივ ინსტრუმენტს გამოვიყენებთ იმისთვის, რომ ვამხილოთ ის საძაგელი ტყუილი, რომელიც იყო საქართველოზე ჰიბრიდული თავდასხმის ერთ-ერთი პროპაგანდისტული ინსტრუმენტი. ამიტომ, ამ პროცესში მომზადებული უნდა შევიდეთ, რათა შესაბამის შედეგს მივაღწიოთ. ამაზე იურისტები მუშაობენ. ჩვენი სურვილია, სარჩელი რაც შეიძლება მალე მოვამზადოთ. პროცედურებს ვსწავლობთ, რათა არ მოხდეს ისეთი პროცედურული დარღვევა, რომ საჩივარს რაიმე საფრთხე არ შევუქმნათ. დონალდ ტრამპს რამდენიმე თვე დასჭირდა, რომ სარჩელი შეეტანა. დიდი ბრიტანეთის ყოფილი პრემიერ-მინისტრი BBC პირდაპირ ხელს ადებს, როგორც პროპაგანდის ინსტრუმენტს. ამაზე მეტი ავტორიტეტი რაღა უნდა იყოს BBC შესაფასებლად? დოკუმენტებს თავს მოვუყრით, სამართლებრივად ჩარჩოში მოვაქცევთ და რაც შეიძლება მალე წარვადგენთ", — განაცხადა შალვა პაპუაშვილმა.