"პირველ რიგში, BBC-სგან ბოდიშს ველოდებით, ხოლო ევროკავშირისგან დემოკრატიის პატივისცემას", — ამის შესახებ ოცნების პარლამენტის წევრმა, დავით მათიკაშვილმა ჟურნალისტებთან განაცხადა და BBC-ის გამოძიებასთან დაკავშირებით დღეს ევროპარლამენტში დაგეგმილ დებატებს გამოეხმაურა.

მისი თქმით, "მათი მხრიდან ერთი მუჭა "ენჯეოებზე" დაყრდნობა არ უნდა მოხდეს.

"პირველ რიგში, BBC-სგან ბოდიშს ველოდებით, ხოლო ევროკავშირისგან დემოკრატიის პატივისცემას და იმ ღირებულებებზე დაბრუნებას, რის გარშემოც ეს გაერთიანება შეიქმნა. მათი მხრიდან ერთი მუჭა "ენჯეოებზე" დაყრდნობა არ უნდა მოხდეს, მათგან ქართველი ხალხის პატივისცემას ველოდებით. არ ვიცი, მათი მხრიდან ეს ნაბიჯები რამდენად იქნება გადადგმული, რადგან ბოლო რამდენიმე არჩევნების შემდეგ იგნორირება და ფეხქვეშ გათელვა იყო, რაც ევროკავშირისგან დავინახეთ. იმედი უნდა გვქონდეს, რომ ევროკავშირში საღი აზრი გაიმარჯვებს, რაც ჩვენთვის და მათთვის ხელსაყრელი იქნება", — განაცხადა ოცნების წევრმა, დავით მათიკაშვილმა.