საქართველოს ვიცე-პრემიერმა, საგარეო საქმეთა მინისტრი, მიხეილ ჯანელიძე სუამ-ის გენერალურ მდივანს, ალტაი ეფენდიევს შეხვდა. შეხვედრის შესახებ ინფორმაციას საგარეო საქმეთა სამინისტრო ავრცელებს.

უწყების ინფორმაციით, ჯანელიძემ შეხვედრაზე აღნიშნა, რომ საქართველოსთვის დიდი პატივია უმასპინძლოს სუამ-ის 20 წლის იუბილეს, როგორც ორგანიზაციის თავმჯდომარე ქვეყანამ. შეხვედრის სხვა დეტალების შესახებ უწყება ინფორმაციას არ ავრცელებს.

საქართველომ, როგორც სუამ-ის თავმჯდომარე ქვეყანამ, დღეს, 8 ოქტომბერს, თბილისში წევრი ქვეყნების საგარეო საქმეთა მინისტრთა საბჭოს საიუბილეო სხდომას უმასპინძლა. ორგანიზაციის 20 წლისთავისადმი მიძღვნილ ღონისძიებაში სუამ-ის პარტნიორი ქვეყნების დელეგაციები, სუამის საპარლამენტო ჯგუფის წევრები და საქართველოს სხვადასხვა უწყებების წარმომადგენლები მონაწილეობდნენ.