მოსკოვის ოლქში აზერბაიჯანული დიასპორის ხელმძღვანელი ელშან იბრაჰიმოვი რუსეთის ტერიტორიიდან ოთხშაბათს გააძევეს — ამის შესახებ აზერბაიჯანული პროსამთავრობო მედიასააგენტო APA იუწყება.

იბრაჰიმოვს რუსეთის მოქალაქეობა ივნისში ჩამოერთვა.

რუსულ მედიასაშუალება RBC-ს ანონიმურმა წყარომ განუცხადა, რომ იბრაჰიმოვის დეპორტაციის გადაწყვეტილება მიღებული იქნა ბრალდების საფუძველზე, რომლის მიხედვითაც მან "ჩაიდინა ქმედებები, რომლებიც საფრთხეს უქმნის რუსეთის ეროვნულ უსაფრთხოებას", თუმცა კონკრეტული დეტალები არ გამოქვეყნებულა.

იბრაჰიმოვი რუსეთში 1990-იანი წლების ბოლოს ცხოვრობდა და 2018 წლიდან აზერბაიჯანული დიასპორის ორგანიზაციას ხელმძღვანელობდა.

მისი დეპორტაცია ისეთ დროს მოხდა, როდესაც აზერბაიჯანსა და რუსეთს შორის ურთიერთობებმა ისტორიულად ყველაზე ცუდ მდგომარეობაშია.

ამჟამინდელი კრიზისის გამომწვევი მიზეზი შეიძლება იყოს 2024 წლის დეკემბერში აზერბაიჯანის ავიახაზების თვითმფრინავის ჩამოგდება, რაშიც ბაქო პასუხისმგებლობას მოსკოვს აკისრებს. ასევე — ორი აზერბაიჯანელი ძმის სიკვდილი რუსეთის პოლიციის რეიდის დროს, რომელიც ეკატერინბურგში განხორციელდა.

ამ შემთხვევების შემდეგ, ორივე ქვეყანა ურთიერთდაპირისპირებაშია ჩართული, რაც ერთმანეთის მოქალაქეთა დაპატიმრებებსა და სხვა სანქციურ ზომებში გამოიხატება.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.