ჩვენს პროფესიულ არჩევანს არცთუ იშვიათად სწორედ ჩვენი თვისებები და უნარები განსაზღვრავს. ზოგს დეტალები უყვარს, ზოგს წესრიგი, ზოგსაც სხვებზე ზრუნვა და მათი დაცვა, საინტერესო კი ისაა, რომ ტექნოლოგიურ პროფესიებს ზოგიერთი ეს მახასიათებელი ზუსტად ერგება.

ცხადია, უამრავი გამონაკლისი არსებობს და პროფესიული სტერეოტიპები ადამიანს ზოგჯერ სულაც არ მიესადაგება. და მაინც, მოდი გავიგოთ, რომელი IT პროფესიისთვის იქნებოდი "ზედგამოჭრილი" კადრი.

როგორ ფიქრობ, რა არის შენი ყველაზე ძლიერი მხარე?

• მიყვარს, როცა სხვებს რაღაცებს ვუხსნი და შემიძლია კომპლექსური ინფორმაცია მარტივად გადმოვცე
• მიყვარს სხვებზე ზრუნვა და გარშემო თავს ყველას დაცულად ვაგრძნობინებ
• დეტალებზე ორიენტირებული ვარ და კანონზომიერებებს მარტივად ვპოულობ
• მოწესრიგებული ვარ და ჩემ გარშემოც ყველასა და ყველაფერს "ვაწესრიგებ"
• მიყვარს საქმის კეთება და, თუ დავიწყე, ბოლომდე აუცილებლად მივიყვან

რომელი მოწყობილობა ან დეტალი იქნებოდი?

• სეიფი
• 3D პრინტერი
• ცენტრალური პროცესორი (CPU)
• სუპერკომპიუტერი
• სმარტფონი

რომელ ნივთს წაიღებდი უკაცრიელ კუნძულზე?

• რაციას
• რუკას
• მრავალფუნქციურ დანას
• ცეცხლსასროლ იარაღს
• ბლოკნოტსა და კალამს

მეგობარმა საეჭვო ბმული გამოგიგზავნა. რას იზამ?

• არავითარ შემთხვევაში არ დავაჭერ, სანამ VirusTotal-ზე არ გადავამოწმებ
• სხვა გზით დავუკავშირდები და გავარკვევ, მართლა ხომ თვითონ მიგზავნის და რა ბმულია
• ბმულის სტრუქტურას დავაკვირდები, რომ მისი წარმომავლობა გავარკვიო
• ვეცდები გავიხსენო, ბოლო დროს თაღლითობის მსგავსი შემთხვევები თუ დაფიქსირებულა და ასე გადავწყვეტ
• გავხსნი — ისეთი რა უნდა მოხდეს, რომ ვერ მოვაგვარო

ჯგუფურ პრეზენტაციებში რა როლი გაქვს ხოლმე?

• სლაიდებს ვაწყობ და ვალამაზებ
• გუნდში საქმეებს ვანაწილებ
• ყველაფერს ვსწავლობ, ვაიდა ვინმეს რამე დაავიწყდეს
• ინფორმაციას ვიძიებ და სლაიდების ამწყობს ვეხმარები
• შინაარსობრივად ვალაგებ, რაზე უნდა ვისაუბროთ

ფეხბურთის თამაშისას ვინ ხარ ან იქნებოდი?

• კაპიტანი — გუნდს წავუძღვებოდი და მოტივაციას მივცემდი
• ტაქტიკოსი — სულ მე გადავწყვეტდი, ვინ სად უნდა იდგეს
• "მიდის სანახავად" — AI სისტემა ვიქნებოდი, რომელიც თამაშს დააკვირდებოდა და ყველა დეტალს აღრიცხავდა
• მეკარე ან მცველი — ჩემს გუნდს გოლებისგან დავიცავდი
• თავდამსხმელი — გოლების გატანაზე ვიქნებოდი ორიენტირებული

ავეჯი შეიძინე და ახლა უნდა ააწყო. საიდან დაიწყებ?

• პირდაპირ აწყობას დავიწყებ — მთავარია შედეგი მივიღო
• ვეცდები მოვიფიქრო, ყველაზე მარტივად როგორ ავაწყო
• ჯერ უსაფრთხოებაზე ვიზრუნებ და შევამოწმებ, რამდენად მყარია კონსტრუქცია
• ოჯახის წევრებს ვთხოვ დახმარებას: ერთს ინსტრუქციის წაკითხვას ვთხოვ, მეორე დეტალებს მომაწოდებს
• ჯერ ყველა დეტალს დავახარისხებ და გავარკვევ, როგორ უკავშირდება ისინი ერთმანეთს

ყავის აპარატი უნდა იყიდო. როგორ შეარჩევ?

• საგარანტიო პირობებს წავიკითხავ და გავარკვევ, რამდენად დიდხანს გაძლებს
• გავარკვევ, რა ფუნქციები აქვს და რამდენად სწრაფად ამზადებს ყავას
• რეიტინგებსა და სტატისტიკას შევამოწმებ: რამდენად პოპულარულია ეს მოდელი, რამდენად ხშირად ფუჭდება და ა. შ.
• შევამოწმებ, რამდენად მარტივი გამოსაყენებელი იქნება და სისტემურად რამდენად გამართულია
• მიმოხილვებს წავიკითხავ და იქ ვიყიდი, სადაც ყველაზე კარგი მომსახურება ექნებათ

და ბოლოს, რაში იყენებ ხოლმე ხელოვნურ ინტელექტს (AI) ყველაზე ხშირად?

• რუტინულ საქმეებს ვაკეთებინებ ჩემ მაგივრად
• საქმის დაგეგმვასა და დროის მართვაში მეხმარება
• დიდი მონაცემების დასამუშავებლად
• არ ვიყენებ
• ჩემს ნამუშევრებში შესაძლო ხარვეზების გამოსავლენად მივმართავ
• დავალებების ან სხვადასხვა პრობლემის ანალიზისთვის