დუა ლიპამ და კალუმ ტერნერმა ლონდონში, Old Marylebone Town Hall-ში ვიწრო წრეში იქორწინეს. ქორწილს მხოლოდ ოჯახის წევრები და ახლო მეგობრები ესწრებოდნენ.

ფოტო: Nick Miao

დუა ლიპას Schiaparelli-ის თეთრი კოსტიუმი ეცვა, რომელიც სპეციალურად მისთვის დიზაინერმა დანიელ როზბერიმ შექმნა. აქსესუარებად მომღერალს სტივენ ჯონსის ფართოფარფლიანი ქუდი და თეთრი ხელთათმანები ეკეთა, ფეხზე კი კრისტიან ლუბუტენის თეთრი, წვეტიანი ფეხსაცმელი ეცვა. ტერნერმა კი არჩევანი Ferragamo-ს მუქ ლურჯ კოსტიუმზე შეაჩერა.

ფოტო: X

ფოტო: The Sun

გავრცელებული ინფორმაციით, მეორე, უკვე სამდღიანი ქორწილი სიცილიაში, კერძოდ პალერმოში იგეგმება. სტუმრების სიაში წყვილის ისეთი ცნობილი მეგობრები არიან, როგორებიც ელტონ ჯონი, ჩარლი XCX, მარკ რონსონი, დონატელა ვერსაჩე და სიმონ პორტ ჟაკმუსი არიანა. ამბობენ, რომ დუა ლიპას მეორე საქორწილო კაბის დიზაინზე სწორედ ჟაკმუსი იზრუნებს.

დუა ლიპა და კალუმ ტერნერი 2024 წელს.

ფოტო: Dua Lipa

დუა ლიპამ და ტერნერმა ურთიერთობა 2024 წლის იანვარში დაიწყეს, მას შემდეგ, რაც ერთმანეთს ლონდონში, The River Café-ში შეხვდნენ.

"ჩვენ დავინიშნეთ. ეს ძალიან ამაღელვებელია. გადაწყვეტილება, რომ ერთად დავბერდეთ და სამუდამოდ საუკეთესო მეგობრებად დავრჩეთ, მართლაც განსაკუთრებული გრძნობაა," — ამბობს დუა ლიპა ერთ-ერთ ჟურნალთან საუბრისას.