ჯეფ ბეზოსის 3-დღიანი ქორწილი ოფიციალურად დაიწყო

ამაზონის დამფუძნებელი ჯეფ ბეზოსისა და მისი საცოლის, ლაურა სანჩესის, ექსტრავაგანტული ქორწილი ოფიციალურად დაიწყო. წყვილი ახლახან სასტუმრო Aman-თან შენიშნეს, საიდანაც ისინი საქორწილო წვეულებისკენ მიემართებიან.

"საუკუნის ქორწილი" ხუთშაბათს დაიწყო და შაბათის ჩათვლით გაგრძელდება. ამაზონის დამფუძნებელსა და ყოფილ ჟურნალისტ ლაურა სანჩეზს, ორწლიანი ნიშნობის შემდეგ მათი ქორწინების აღსანიშნად დაახლოებით 200 სტუმარი შეუერთდება.

ხუთშაბათს, წინასაქორწინო წვეულებისთვის, ლაურა სანჩესმა სკიაპარელის უახლესი კოლექციიდან მბზინავი ბროკადის კორსეტის კაბა მოირგო.

**ლაურა სანჩესი სკაპიარელის კაბაში**

ფოტო: Getty Images

ამასობაში, ბეზოსმა კლასიკური ჩაცმულობა აირჩია და იდეალურად შეკერილი კოსტიუმი თეთრ პერანგს შეუხამა, ხოლო სასტუმროს გარეთ მდგომ კამერებს გაუღიმა და ხელი დაუქნია.

კუნძულ სან ჯორჯო მაჯორეს მახლობლად გამართულ ქორწილში ისეთ სახეებს ვიხილავთ, როგორებიც არიან — ივანკა ტრამპი, რომელიც ქმართან, ჯარედ კუშნერთან და შვილებთან ერთად, ოთხშაბათს ჩასვლისას გადაიღეს, ასევე კიმ კარდაშიანი, რომელიც ვენეციაში, ხუთშაბათს, დასთან და დედასთან, კრის ჯენერთან ერთად ჩავიდა, ისინი დღის ბოლოს ორლანდო ბლუმთან საუბრისას შენიშნეს.

ოპრა უინფრი და NFL-ის ყოფილი მცველი ტომ ბრედი იყვნენ ის VIP სტუმრები, რომლებიც ვენეციაში წყლის ტაქსებით ჩამოვიდნენ. სტუმრების სიას, გუშინ, კენდალ და კაილი ჯენერებიც შეუერთდნენ.

იხილეთ ფოტოები ქორწილიდან:

**მოდელი ვიტორია ჩერეტი ტოვებს სასტუმროს**

ფოტო: Getty Images

**ოპრა უინფრი სასტუმრო Gricci Palace-სთან**

ფოტო: Getty Images

**ივანკა ტრამპი და მისი მეუღლე, ჯარედ კუშენი**

**კენდალ და კაილი ჯენერები**

ფოტო: Getty Images

**კიმ კარდაშიანი სასტუმრო Gritti Palace-სთან**

**ლეონარდო დიკაპრიო**

ფოტო: Getty Images

**კრის ჯენერი და მისი მეუღლე, ქორი გემბლი**

ამასობაში, კლიმატის აქტივისტები ბეზოსისა და სანჩესის ქორწილს ისევ აპროტესტებენ.

შეგახსენებთ, რომ რამდენიმე კვირით ადრე დემონსტრანტებმა ქორწილთან დაკავშირებით მრავალი შეშფოთება გამოთქვეს, მათ შორის აღნიშნეს ლოგისტიკური დარღვევები, გარემოზე იახტებისა და კერძო თვითმფრინავების უეცარი შემოდინებით მიყენებული ზიანი.

**დემონსტრანტები ვენეციაში აპროტესტებენ ჯეფ ბეზოსის ქორწილს**

ფოტო: ShutterStock

აღსანიშნავია, რომ კლიმატის აქტივისტების გარდა, შეშფოთება გამოთქვეს ადგილობრივმა ბიზნესმენებმა და კაიაკის გამქირავებლებმა. ერთ-ერთი მცირე ბიზნესის მფლობელის თქმით, ადგილობრივმა ხელისუფლებამ ხიდები "დაკეტა", რათა ლორენის, ბეზოსის და მათი სტუმრებისთვის გზა გაეთავისუფლებინათ, რის გამოც მომხმარებლების დიდი ნაწილი დაკარგეს.

"ხუთშაბათს, საღამოს, კლიენტების ჯგუფი გვყავდა დაჯავშნილი. თუმცა, მათ ჩვენთან დაკავშირება ვერ შეძლეს, რადგან ყველა ხიდი დაკეტილი იყო", — ამბობს ის.

ბიზნესმენი აღნიშნავს, რომ ხიდების დაკეტვამ მათ დიდი ფინანსური ზარალი მოუტანა.

"მიუხედავად იმისა, რომ მათ ჯავშანი ჰქონდათ გაფორმებული, პოლიციამ ისინი არ შემოუშვა და ჯავშნის გაუქმება მოგვიწია, რამაც დიდი ფინანსური ზიანი მოგვაყენა" — განმარტავს ვენეციელი კაიაკის გამქირავებელი.

ამ დროისთვის, სან ჯორჯო მაჯორეს მახლობლად მობილიზებულია პოლიცია, ხოლო ქორწილთან დაკავშირებით დამატებითი დეტალები ჯერჯერობით უცნობია.

ბოლო ამბები:

გირჩევთ

ჯეფ ბეზოსის 3-დღიანი ქორწილი ოფიციალურად დაიწყო — ნახეთ ფოტოები

კომენტარები

კვირის ტოპ-5

გირჩევთ

ახლა კითხულობენ

ასტრონომებმა სინთეზური სამყარო შექმნეს, რომელიც რეალურს მაქსიმალური სიზუსტით ასახავს