1-ელ მაისს, მშრომელთა საერთაშორისო დღეს, ჭიათურაში საპროტესტო აქცია გაიმართა.
29 აპრილს, პოლიციამ ძალადობრივი დანაშაულის ბრალდებით ჭიათურის პროტესტის 4 ლიდერი – აჩიკო ჭუმბურიძე, მერაბ სარალიძე, გიორგი ნეფარიძე და თენგო გველესიანი დააკავა. 1-ელ მაისს ცნობილი გახდა, რომ ქუთაისის საქალაქო სასამართლომ ოთხივე მაღაროელს აღკვეთის ღონისძიების სახით პატიმრობა შეეფარდა.

შსს-ს ინფორმაციით, დაკავებულები შუქრუთის მაღაროს დირექტორს ფიზიკურად დაუპირისპირდნენ.


2024 წლის სექტემბერში, შუქრუთში უწყვეტი აქციიდან 6 თვის შედეგ, თბილისში გადმოინაცვლეს და პარლამენტის წინ ღამეებს ათევდნენ. რამდენიმე მათგანმა პროტესტის ნიშნად პირიც კი ამოიკერა. პროტესტის 228-ე დღეს, სახელმწიფოს, კომპანიასა და შუქრუთის მოსახლეობას შორის მოლაპარაკებების უშედეგოდ დასრულების შემდეგ, შუქრუთელებმა თბილისი დატოვეს და ბრძოლა ჭიათურაში, კოროხნალის მაღაროსთან გააგრძელეს.

მაღაროელები კომპანია GM-ისგან დანგრეული სახლებისა და განადგურებული გარემოსთვის სამართლიან კომპენსაციას მოითხოვდნენ. დღეს ამ მოთხოვნებს დაკავებული 4 მაღაროელის გათავისუფლება დაემატა.

მეტი მაღაროელების პროტესტზე: