ტეილორ სვიფტის მე-12 სტუდიური ალბომის, The Life of a Showgirl-ის გამოსვლიდან თითქმის 1 წელი გავიდა, პოპვარსკვლავმა კი ფანებს ახალი სიურპრიზი მოუწყო — 25 სექტემბერს ალბომს 4 ახალი სიმღერა დაემატება.

22 სექტემბერს მომღერალმა, ყველასთვის მოულოდნელად, ახალი სიმღერის — Patient Zero-ს გამოსვლის შესახებ გვაცნობა, შემდეგ დღეს კი გავიგეთ, რომ ეს სიმღერა სწორედ ალბომის გაგრძელების ნაწილია. ახალ პროექტს The Life of a Showgirl: The Encore ჰქვია.

ფოტო: taylorswift

განცხადებაში სვიფტმა ფანებს მხარდაჭერისთვის მადლობა გადაუხადა და აღნიშნა:

"დაახლოებით ერთი წლის წინ თქვენ მართლაც წარმოუდგენელი რამ გააკეთეთ — The Life of a Showgirl-ს ალბომების ისტორიაში ყველაზე დიდი დებიუტი აჩუქეთ. ამ ამბის აღსანიშნავად შვედეთში, მაქსთან და Shellback-თან — ჩემს ორ თანაავტორთან, გაფრენა გადავწყვიტე".

მომღერლის თქმით, 4 ახალი სიმღერაც სწორედ ამ მოგზაურობის დროს დაიწერა. იხილეთ სიმღერების ჩამონათვალი:

  1. Patient Zero
  2. Cleveland!
  3. Pink Clouding
  4. Babylon