შსს 30 აპრილს, ჭიათურის მუნიციპალიტეტში ოროხნალის, შუქრუთის, ითხვისის და დარკვეთის მაღაროებში მომხდარის შესახებ განცხადებას ავრცელებს.

გავრცელებულ განცხადებაში ნათქვამია, რომ ჭიათურის მაღაროებში მართლწესრიგისა და უსაფრთხოების დაცვის მიზნით, მობილიზებულნი იქნებიან შსს-ს შესაბამისი დანაყოფები

"მიმდინარე წლის 30 აპრილს, ჭიათურის მუნიციპალიტეტში, კოროხნალის, შუქრუთის, ითხვისის და დარკვეთის მაღაროებში არსებული მდგომარეობის შესწავლის მიზნით, "ჯორჯიან მანგანეზის" შვილობილი კომპანიის, შპს "ჭიათურა მენეჯმენტ კომპანის" წარმომადგენლები, შესაბამისი მიმართულების სპეციალისტებთან ერთად მონიტორინგს განახორციელებენ.

როგორც საზოგადოებისთვის ცნობილია, ბოლო დროს, ჭიათურის მუნიციპალიტეტში მაღაროებში დასაქმებულ თანამშრომელთა ნაწილი გამოხატავს პროტესტს, აქედან გამომდინარე, ადგილზე მართლწესრიგისა და უსაფრთხოების დაცვის მიზნით, მობილიზებულნი იქნებიან შინაგან საქმეთა სამინისტროს შესაბამისი დანაყოფების თანამშრომლები.

მოვუწოდებთ პროტესტის გამომხატველებს, არ დაარღვიონ კანონი.

კანონდარღვევის თითოეულ ფაქტს, პოლიციის მხრიდან შესაბამისი სამართლებრივი

რეაგირება მოჰყვება", — ნათქვამია შსს-ს განცხადებაში.

შეგახსენებთ, რომ 29 აპრილის ღამეს, ჭიათურაში, საპროტესტო კარავში პოლიციამ ღამის 3:30 საათზე საპროტესტო აქციის 4 მონაწილე დააკავეს.

მაღაროელ ტარიელ მიქაცაძის თქმით, 3 ადამიანი კარვიდან აიყვანეს, მეოთხე — საცხოვრებელი სახლიდან წაიყვანეს. დაკავებული არიან: გიორგი ნეფარიძე, მერაბ სარალიძე, არჩილ ჭუმბურიძე და თენგიზ გველესიანი.

შსს-ს ცნობით, ბრალდებული მაღაროელები შუქრუთის მაღაროს დირექტორს, 1982 წელს დაბადებულ თენგო კობერიძეს ფიზიკურად დაუპირისპირდნენ და სხეულის სხვადასხვა არეში დაზიანება მიაყენეს.

29 აპრილის ღამეს ჭიათურაში 4 მაღაროელი დააკავეს

ბრალდებულებმა შუქრუთის მაღაროს დირექტორს სხეულის სხვადასხვა არეში დაზიანება მიაყენეს — შსს ჭიათურელი მაღაროელების დაკავებაზე განცხადებას ავრცელებს