ნიუ-იორკში, გაეროს გენერალური ასამბლეის 81-ე სესიის ფარგლებში, კითხვაზე, რომელიც სომხეთის ევროკავშირთან შემდგომ დაახლოებას ეხებოდა, ჟურნალისტმა ფრაზა "ორი სკამის დაკავების მცდელობა" გამოიყენა, რაზეც სომხეთის პრემიერმინისტრმა უპასუხა:

"რატომ ორი სკამი? ჩვენ ვსხედვართ ერთ, სომხურ სკამზე, ასე რომ, ორი არ გვჭირდება", — თქვა ფაშინიანმა.

რუსული ტელეკომპანიის ჟურნალისტის კითხვის საპასუხოდ, სომხეთის პრემიერმინისტრმა განაცხადა, რომ ერევანი დაბალანსებურლი საგარეო პოლიტიკის გაგრძელებას გეგმავს.

"ჩვენ ვგეგმავთ ბალანსირებული საგარეო პოლიტიკის გაგრძელებას, როგორც უკვე ვთქვით", — აღნიშნა ფაშინიანმა.

მოგვიანებით ჟურნალისტმა ფაშინიანს ევროპულ ბაზარზე სომხური ექსპორტის პერსპექტივებზეც ჰკითხა. მან გაიხსენა ევროპული მხარის განცხადება იმის შესახებ, რომ სომხური სოფლის მეურნეობის პროდუქციის 99%-ს, მათ შორის ხილსა და ბოსტნეულს, ევროკავშირის ბაზარზე შესვლა შეუძლია და დაინტერესდა, ეშინია თუ არა პრემიერს, რომ ევროპელებმა შესაძლოა დაპირებები არ შეასრულონ.

"რატომ? რატომ უნდა იცრუონ? კარგი, ჩვენ ვცდილობთ ვიყოთ გულწრფელები და ღია ყველა ჩვენს პარტნიორთან და ურთიერთგაგების იმედი გვაქვს", — დასძინა სომხეთის პრემიერმინისტრმა.