დღეს, 19:00 საათზე, პარლამენტის წინ, შუქრუთელების მხარდამჭერი აქცია დაანონსდა.

მოშიმშილე შუქრუთელები პარლამენტის შენობის წინ, ღია ცის ქვეშ, მე-19 ღამეს ათევენ.

პროტესტის მონაწილეებმა პარლამენტის შენობასთან 11 სექტემბერს გადმოინაცვლეს. მას შემდეგ, რაც პოლიციამ ადგილზე კარვების გაშლის საშუალება არ მისცა, შუქრუთელები ღია ცის ქვეშ ათევენ ღამეს.

აქციის მონაწილეები ჯორჯიან მანგანეზის საქმიანობის შედეგად სოფელ შუქრუთისთვის მიყენებული ზარალის ანაზღაურებას და პროცესში ხელისუფლების ჩართვას ითხოვენ, თუმცა ამ დრომდე მათთან ხელისუფლების წარმომადგენლები არ მისულან.

15 სექტემბერს პრემიერმა კობახიძემ განაცხადა, რომ კომპანიის თანამშრომლებს და აქციის ორგანიზატორებს ათობით ათასი ლარის კომპენსაცია აქვთ აღებული. მან ისიც თქვა, რომ მოლაპარაკებების წარმოება ჯერჯერობით კომპანიის საქმეა.

გაიგეთ მეტი ამ თემაზე: