კახა კალაძე: კალასი და მსგავსი ტიპის ბიუროკრატები გამჭვირვალობის გარეშე "შავი ფულის" შემოტანას ვერ შეძლებენ

17 Apr. 2025, 15:24

"რეალურად, პრობლემა ისაა, რომ კალასი და მსგავსი ტიპის ბიუროკრატები, რომლებიც საქართველოს დამოუკიდებლობასა და სუვერენიტეტს ებრძვიან, ვერ შეძლებენ გამჭვირვალობისა და სიცხადის გარეშე ქვეყანაში "შავი ფულის" შემოტანას. ვერ შეძლებენ, შემდეგ ამ ფულის ჩადებას რევოლუციაში, სახელმწიფო გადატრიალებაში და საზოგადოების დაპირისპირებაში. ეს არის ის, რაც რეალურად ამ ტიპის ბიუროკრატებს აწუხებთ.

ყველაფერი რაც კეთდება, იქნება ეს კანონების მიღება თუ კონკრეტული გადადგმული ნაბიჯები, ყველაფერი კეთდება ქვეყნის საკეთილდღეოდ; რომ ქვეყანა იყოს დამოუკიდებელი, გავაძლიეროთ სუვერენიტეტი. ამ ტიპის ბიუროკრატებს, რა თქმა უნდა, შესაძლებლობა არ მიეცემათ, რომ საქართველოს ინტერესები თავიანთი ინტერესებისთვის გამოიყენონ. საქართველოს ინტერესების ფეხქვეშ გათელვის შესაძლებლობას და საშუალებას არავის არ მივცემთ. ეს არის ძალიან მარტივი. იქნება საჭირო დამატებით კანონების მიღება, სადაც ქვეყნის ინტერესები და გაძლიერებული სუვერენიტეტი იქნება გათვალისწინებული? გადავდგამთ დამატებით ნაბიჯებს".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ