24 მარტს ქალაქ სუმიზე რუსული სარაკეტო იერიშის შედეგად დაშავებულთა რიცხვი 101-მდე გაიზარდა, მათ შორის 23 ბავშვია. ბოლო ინფორმაციით, დაშავებულია 99 ადამიანი: 76 ზრდასრული და 23 ბავშვი. ინფორმაციას სუმის საქალაქო საბჭო ავრცელებს.

შემთხვევის ადგილზე სამი ლოკაციაა მოწყობილი, სადაც მაშველები, პოლიცია, კომუნალური სამსახურის თანამშრომლები და საზოგადოებრივი ორგანიზაციების მოხალისეები მუშაობენ.

ქალაქზე რუსეთის საოკუპაციო ძალების სარაკეტო შეტევის შედეგად დაზიანდა რამდენიმე მრავალსართულიანი შენობა და სკოლა.

ამის პარალელურად სამშვიდობო მოლაპარაკებები მიმდინარეობს უკრაინაში ცეცხლის შეწყვეტის შეთანხმებაზე. უკრაინული მხარე დათანხმდა 30-დღიან ცეცხლის შეწყვეტაზე, რუსული მხარის წარმომადგენლები კი აცხადებენ, რომ 30-დღიანი ცეცხლის შეწყვეტის შეთანხმება არ შეეხება ენერგეტიკულ ინფრასტრუქტურას.

გუშინ საუდის არაბეთში რუსეთისა და აშშ-ს წარმომადგენლების შეხვედრა იყო შეთანხმების ტექნიკურ საკითხებზე. შეხვედრის შესახებ მხარეებს ოფიციალური განცხადებები ჯერ არ გაუკეთებიათ.

მეტი აშშ-ს, რუსეთსა და უკრაინას შორის მიმდინარე მოლაპარაკებებზე, რომელიც აშშ-ს პრეზიდენტის, დონალდ ტრამპის ინიციატივით დაიწყო: