აშშ-სთან სამშვიდობო მოლაპარაკებების პარალელურად, ვლადიმერ პუტინმა დღეს გკლავ გაიმეორა, რომ კურსკის რეგიონში ყველა უცხოელი დაქირავებული და უკრაინელი ჯარისკაცი ტერორისტია.

პუტინმა გენერალური პროკურატურის სხდომაზე განაცხადა, რომ კურსკის რეგიონში უკრაინის შეიარაღებული ძალების ჯარისკაცების მიერ ჩადენილი დანაშაულები ტერორიზმად უნდა შეფასდეს.

მისი თქმით, რუსული სამხედრო ძალები ამჟამად კურსკის რეგიონში მტრის ჯარების ჯგუფის დამარცხებას ახორციელებენ.

"ჩვენმა ჯარებმა ცოტა ხნის წინ ჩაატარეს სწრაფი, საკმაოდ გაბედული, ეფექტური ოპერაციების სერია და ასრულებენ მტრის ჯარის ჯგუფის დამარცხებას კურსკის რეგიონში", — თქვა პუტინმა.

მისი თქმით, ყველა უკრაინელი ჯარისკაცი, ისევე როგორც უცხოელი დაქირავებული, რომლებიც იმყოფებოდნენ კურსკის ოლქის ტერიტორიაზე და ჩაიდინეს რიგი დანაშაულები მშვიდობიანი მოსახლეობის წინააღმდეგ, რუსეთის კანონმდებლობის შესაბამისად, უნდა იყოს კლასიფიცირებული, როგორც ტერორისტები, ხოლო მათ მიერ ჩადენილი დანაშაულები უნდა გამოვლინდეს, დაფიქსირდეს და საფუძვლიანად გამოიძიოს.

მან ასევე გასცა ბრძანა ყველა იმ პირის იდენტიფიცირება, ვინც ახორციელებდა "დანაშაულებრივ ბრძანებებს და ძალადობდა მშვიდობიანი მოსახლეობაზე". პუტინმა გამოთქვა რწმენა, რომ ეს პირები მომავალში "სამართლიანი სასჯელს" მიიღებენ.

2025 წლის 12 მარტს, ვლადიმერ პუტინი რეგიონში პირველად ჩავიდა მას შემდეგ, რაც უკრაინის შეიარაღებული ძალები შეიჭრნენ კურსკის ოლქში, სადაც კურსკის ჯარების ჯგუფის ერთ-ერთ სამეთაურო პუნქტს ეწვია.

რუსეთის პრეზიდენტის ადმინისტრაციის ტელეგრამ-არხზე გავრცელებულ კადრებში ჩანს, რომ სამხედრო ფორმაში გამოწყობილი პუტინი რუსეთის შეიარაღებული ძალების გენერალური შტაბის უფროსს, ვალერი გერასიმოვს ხვდება.

Reuters-ის ცნობით, უმაღლესი სამხედრო ხელმძღვანელობის წინაშე სიტყვით გამოსვლისას, პუტინმა განაცხადა, რომ საჭიროა კურსკის რეგიონში უკრაინული ძალების სწრაფი დამარცხება.

ამავე თემაზე:

პუტინი კურსკში სამხედრო ფორმით გამოჩნდა და თქვა, რომ რეგიონი მთლიანად უნდა გაათავისუფლონ უკრაინული ჯარებისგან

ზელენსკი: პუტინმა ფაქტობრივად უარყო ცეცხლის სრულად შეწყვეტის წინადადება

მედვედევი: სასადილო ოთახში მხოლოდ რუსეთი და ამერიკაა. მენიუში კი მსუბუქი აპეტაიზერებია

პუტინი-ტრამპის სატელეფონო საუბარს კრემლი გამოეხმაურა - რა წერია განცხადებაში

სალომე ზურაბიშვილი: პუტინი დათანხმდა "შეაჩეროს თავდასხმები ენერგეტიკასა და ინფრასტრუქტურაზე", მაგრამ არა სამოქალაქო ობიექტებზე

რაზე ისაუბრეს პუტინმა და ტრამპმა სატელეფონო საუბრისას?