25 ივნისიდან, თბილისისა და ბათუმის საერთაშორისო აეროპორტებს შორის რეგულარული ფრენები იწყება. ამის შესახებ ინფორმაციას TAV Georgia ავრცელებს. გავრცელებული ცნობით, აღნიშნული მიმართულებით რეისებს კვირაში ოთხჯერ ავიაკომპანია "ჯორჯიან ეარვეისი" შეასრულებს.

ზაფხულის სანავიგაციო სეზონის განმავლობაში, თბილისი-ბათუმი-თბილისის საჰაერო ხაზზე ფრენები ყოველ სამშაბათს, ხუთშაბათს, შაბათსა და კვირას, Boeing 737 ტიპის ხომალდით შესრულდება. ფრენის ხანგრძლივობა 45 წუთი იქნება. თბილისი-ბათუმის რეისი დილით 9 საათზე შესრულდება, ბათუმი-თბილისის — 19:30 საათზე. რაც შეეხება ბილეთის ფასს, გამოცემა "ბათუმელების" ცნობით, ერთი გზის ღირებულება 132 ევროდან იწყება, რაც დაახლოებით 405 ლარია.