გაერთიანებული ერების ორგანიზაციის გენერალურმა ასამბლეამ უკრაინის ომის დაწყებიდან 3 წლის თავზე, მიიღო უკრაინულ-ევროპული რეზოლუცია, რომელიც რუსეთის ფედერაციისგან მოითხოვს, დაუყოვნებლივ გაიყვანოს ჯარები უკრაინის ტერიტორიიდან. საქართველო კენჭისყრაში არ მონაწილეობდა.

რეზოლუციას მხარი დაუჭირა 93-მა ქვეყანამ, 18 წინააღმდეგ წავიდა, 65-მა კი თავი შეიკავა. უკრაინული რეზოლუციის წინააღმდეგ ხმა მისცეს: აშშ-მ, რუსეთმა, ჩრდ. კორეამ, ბელარუსმა, ბურკინა ფასომ, ბურუნდიმ, ცენტრალური აფრიკის რესპუბლიკამ, ეკვატორულმა გვინეამ, ერიტრეამ, ჰაიტიმ, უნგრეთმა, ისრაელმა, მალიმ, მარშალის კუნძულებმა, ნიკარაგუამ, ნიგერმა, პალაუმ და სუდანმა.

გასულ კვირას გავრცელდა ინფორმაცია, რომ აშშ უკრაინისგან რეზოლუციის უკან გახმობას და ამერიკული რეზოლუციის მხარდაჭერას მოითხოვდა.

ასევე იხილეთ: Washington Post: აშშ უკრაინისგან მოითხოვს, გაიწვიოს გაეროდან რეზოლუცია ომის დაწყებიდან სამი წლის თავთან დაკავშირებით