16 თებერვალს, უწყვეტი პროტესტის 81-ე დღეს რუსთაველი კვლავ გადაიკეტა. ბათუმში მომხდარი ტრაგედიის გამო, 81-ე დღე პროტესტის მდუმარე იქნება.

15 თებერვალს ბათუმში, ოცნების ქალაქის ტერიტორიაზე, ორი მცირეწლოვანი ბავშვი თხრილში ჩავარდა და დაიღუპა. პირველადი ცნობებით, ბავშვები იმ ტერიტორიაზე ჩავარდნენ ორმოში, სადაც სამშენებლო სამუშაოები მიმდინარეობს და მათ რამდენიმე საათის განმავლობაში ეძებდნენ. ქართული ოცნების წარმომადგენლები და სამშენებლო კომპანია ანაგი უარყოფენ იმ ფაქტს, რომ ტრაგედია სამშენებლო სამუშაოების ტერიტორიაზე მოხდა.

შეგახსენებთ, 28 ნოემბერს ოცნების პრემიერმინისტრმა, ირაკლი კობახიძემ განცხადება გააკეთა, რომ საქართველო ევროკავშირთან მოლაპარაკებების გახსნის დღის წესრიგში დაყენება 2028 წლამდე გააჩერა. კობახიძის განცხადებიდან, უწყვეტად 81 დღე რუსთაველის გამზირი იკეტება და პროევროპული აქცია ტარდება შემდგეგი მოთხოვნებით — ახალი არჩევნების დანიშვნა და სინდისის პატიმრების დაუყოვნებლივ გათავისუფლება.