"გონების კარგვის ეპიზოდი ციხეშიც დაემართა და უშუალოდ მე, როდესაც მას ვესაუბრებოდი, იმდენად ცუდ მდგომარეობაში იყო, რომ ფეხზე წამოდგომა როცა სჭირდებოდა, რათა შეხვედრების ოთახიდან გასულიყო, ჩემი დახმარება სჭირდებოდა," — განაცხადა ნიკოლოზ ჯავახიშვილის ადვოკატმა, გუჯა ავსაჯანიშვილმა, პატიმრის შიმშილობის შეწყვეტის თაობაზე.

"შიმშილობა გამოაცხადა სოლიდარობისა და დაუმორჩილებლობის ნიშნად. ჯანმრთელობის მდგომარეობის გამო მოუწია, რომ შეეწყვიტა შიმშილობა. გონების კარგვის ეპიზოდი ციხეშიც დაემართა და უშუალოდ მე, როდესაც მას ვესაუბრებოდი, იმდენად ცუდ მდგომარეობაში იყო, რომ ფეხზე წამოდგომა როცა სჭირდებოდა, რათა შეხვედრების ოთახიდან გასულიყო, ჩემი დახმარება სჭირდებოდა. არანაირ კვლევებს არ უტარებენ, ასევე ვითხოვთ გამოძიება დაიწყოს სპეციალური საგამოძიებო სამსახურის მიერ, რადგან ადგილი ჰქონდა ჩვენების იძულებას," — განაცხადა ადვოკატმა.

ადვოკატის თქმით, ჯავახიშვილმა სოლიდარობისა და დაუმორჩილებლობის ნიშნად შიმშილობდა და ჯანმრთელობის მძიმე მდგომარეობის გამო მოუწია მას შიმშილობის შეწყვეტა.

"არ ვიცი, რამდენად შევძლებ დაუმორჩილებლობას აქედან, მაგრამ შიმშილობით მაინც ვეცდები. ჩემი პასუხია "შეტევაზე — შეტევით". არცერთი ნაბიჯით არ დავიხევთ უკან. დავეხმაროთ ერთმანეთს და ბოლოს გავიმარჯვებთ, ეს რეჟიმი ჩამოინგრევა, ჩვენც გამოვალთ და სამართალი იზეიმებს", — წერდა 4 თებერვალს ჯავახიშვილი ციხიდან გავრცელებულ წერილში.

შეგახსენებთ, ნიკოლოზ ჯავახიშვილმა შიმშილობა 22 იანვარსაც დაიწყო. მან მხარდაჭერა გამოუცხადა ონლაინგამოცემების, ბათუმელებისა და ნეტგაზეთის დამფუძნებელსა და დირექტორს, მზია ამაღლობელს, რომელიც პოლიციამ დააკავა და წაყენებული ბრალის მიხედვით, 4-დან 7-წლამდე პატიმრობა ემუქრება. ჯანმრთელობის მდგომარეობის გაუარესების გამო 27 იანვარს ჯავახიშვილმა შიმშილობა შეწყვიტა. მისი ადვოკატის თქმით, პატიმარმა 16 კგ დაკარგა.

ნიკოლოზ ჯავახიშვილი 2024 წლის 30 ნოემბერს, 20 წლის დააკავეს. მას ჯგუფურ ძალადობაში მონაწილეობას ედავებიან, რაც 4-დან 6-წლამდე თავისუფლების აღკვეთას ითვალისწინებს.