აშშ-ის პრეზიდენტმა, დონალდ ტრამპმა გასულ დღეებში რუსეთის მიმართ მუქარის შემცველი განცხადებები გააკეთა, რის გამოც მოსალოდნელია, რომ უნგრეთი რუსეთზე ევროკავშირის სანქციების განახლების დაბლოკვაზე უარს იტყვის. ამის შესახებ ინფორმაციას Politico ავრცელებს.

გასულ დღეებში, ევროკავშირის მიერ რუსეთზე დაწესებული შეზღუდვების განახლებაზე უნგრეთი უარი ეთქმის შესაძლებლობას განიხილავდა.

ცნობისთვის, ტრამპმა 22 იანვარს, Truth Social-ზე დაწერა, რომ თუ რუსეთი მოლაპარაკებების მაგიდასთან დაჯდომაზე უარს განაცხადებს, იგი მას ახალ სანქციებს და ტარიფებს დაუწესებს.

იმავე წყაროს ცნობით, დონალდ ტრამპის პოსტამდე, ვიქტორ ორბანი ევროკავშირის ქვეყნებისგან მოითხოვდა, დალოდებოდნენ დონალდ ტრამპის მიდგომებს რუსეთის სანქცირების თემასთან დაკავშირებით.