თბილისის საქალაქო სასამართლომ 8-დღიანი ადმინისტრაციული პატიმრობა შეუფარდა პოეტ ზვიად რატიანს, რომელიც პოლიციამ 29 ნოემბრის ღამეს პროევროპულ აქციაზე დააკავა.

დაკავებისას ზვიად რატიანი ნაცემი იყო. ის სასამართლოს დარბაზში საავადმყოფოდან მიიყვანეს. რომელ იზოლატორში გადაიყვანენ, ჯერჯერობით ცნობილი არ არის.

ზვიად რატიანს მოტეხილი აქვს მეხუთე მალა, გატეხილი აქვს ცხვირის ძვალი და ძგიდე, თავსა და მთელ სხეულზე აქვს სხვადასხვა სიმძიმის ჰემატომები და დაჟეჟილობები.