ხვალ იქნება რეგიონებიდანაც აქტივობა და მით უმეტეს ზეგ, — ამის შესახებ NEWS.On.ge-სთან საუბრისას კოალიცია ცვლილებისთვის წევრმა, ლაშა ბაქრაძემ განაცხადა. მისი თქმით, ხალხის გარკვეული ნაწილი ფრუსტრირებულია, გარკვეული ნაწილი ამბობს, რომ არ აქვს ოპოზიციური პარტიებისადმი სიმპათიები, მაგრამ ის, რაც ახლა ხდება ისეთი პრობლემაა, რომელიც მთელ საქართველოს უნდა აწუხებდეს.

"ხვალაც იქნება, მით უმეტეს ზეგ, პროტესტი. ჩამოვედით გმირთა მოედანზე და გვინდა გმირითა მოედნის ნაწილი დავკეტოთ. ასეთ გეგმაა, რომ 10 საათამდე გმირთა აქაურობა იყოს დაკეტილი. 25-ში ვაპირებთ დილიდან შეკრებას. მოველით, რომ ხალხი მოვა, მიუხედავად იმისა, ვიცი, დილით უჭირთ საქართველოში შეკრება. იქნება 24-ში საღამოს შეკრებაც და ვნახავთ მერე რა შეიძლება მოხდეს. ხვალ იქნება რეგიონებიდანაც აქტივობა და მით უმეტეს ზეგ. მაგრამ უნდა ითქვას, რომ ჩვენ არ გვაქვს იმდენი საშუალება რამდენიც „ქართულ ოცნებას“ აქვს და ყველაფერი დამოკიდებულია თბილისელებზე. ვიცით რომ ხალხის გარკვეული ნაწილი ფრუსტრირებულია, გარკვეული ნაწილი ამბობს, რომ სიმპათიები არ აქვს ოპოზიციური პარტიების, მაგრამ ეს არ არის პარტიების საკითხი, ეს არის მთელი ქართველი საზოგადოების თემა. ეს არის ისეთი პრობლემა, რომელიც მთელ საქართველოს უნდა აწუხებდეს", — განაცხადა ლაშა ბაქრაძემ.