ამერიკელი სამხედროები აცხადებენ, რომ სირიაში ირანის მიერ მხარდაჭერილ შეიარაღებული დაჯგუფების საწყობებს დაარტყეს, სადაც იარაღი ინახება. ამის შესახებ ინფორმაციას Reuters ავრცელებს.

"ეს დარტყმები აშშ-ს საპატრულო ბაზა შადადისზე განთავსებულ ამერიკელ პერსონალზე სარაკეტო თავდასხმის საპასუხოდ განხორციელდა. თავდასხმის დროს არ დაზიანებულა აშშ-ის ობიექტები და არ დაშავებულა აშშ-ის ან პარტნიორი ძალები", — ნათქვამია აშშ-ის სამხედროების მიერ გავრცელებულ განცხადებაში.