საქართველოს პრეზიდენტი სალომე ზურაბიშვილი, ევროკავშირის 8 ქვეყნის საგარეო საქმეთა კომიტეტის თავმჯდომარეების დელეგაციას ამ წუთებში ხვდება.

როგორც პრეზიდენტის პრესსამსახური იუწყება, შეხვედრის შემდეგ გაიმართება პრესკონფერენცია.

ევროპული ქვეყნების დელეგაციებმა მანამდე ახსენეს, რომ შეხვედრის და საქართველოში ვიზიტის მიზეზი და მთავარი თემა საქართველოში მიმდინარე პროცესებია.

გავრცელებული ინფორმაციით, შეხვედრის დასრულების შემდეგ, ევროკავშირის დელეგაცია შეხვდება პროევროპულ ოპოზიციურ გაერთიანებებსა და არამთავრებო ორგანიზაციებს.

ცნობისთვის, ქართულმა ოცნებამ EU-ს დელეგაციას შეხვედრაზე უარი უთხრა.