საქართველოში აშშ-ის ელჩი, რობინ დანიგანმა ამერიკული სავაჭრო პალატის მიერ ორგანიზებულ election breakfast-ზე განაცხადა, რომ აშშ-ის საპრეზიდენტო და საქართველოს საპარლამენტო არჩვნების შედეგებს ორი ქვეყნის ხალხებს შორის ურთიერთობაზე არ ექნება გავლენა.

"მე ნამდვილად მჯერა, რაც არ უნდა მოხდეს საქართველოს არჩევნებში ან აშშ-ის არჩევნებში, ქართველ და აშშ-ს შორის ურთიერთობა, ურთიერთობა ჩვენს კომპანიებს, ჩვენს უნივერსიტეტებს, ბიზნესს, ანალიტიკურ ცენტრებს, ინსტიტუტებს, სამხედროებს, სამართალდამცავ ორგანოებს შორის გაუძლებს ნებისმიერ პოლიტიკურ არჩევნებს", — თქვა დანიგანმა.

მისი თქმით, ის, რომ საქართველოში აშშ-ს წარმოადგენს, სიამაყეს ჰგვრის და სჯერა, რომ ორი ქვეყნის ურთიერთობა პოლიტიკურ ცვლილებებსა და განწყობებს გაუძლებს.

ცნობისთვის, ბოლო მონაცემებით, საპრეზიდენტო არჩევნებს რესპუბლიკელების საპრეზიდენტო კანდიდატი და აშშ-ის ექსპრეზიდენტი, დონალდ ტრამპი იგებს.

ამასთან, ამერიკული საარჩევნო სისტემის მიხედვით, არჩევნებში გამარჯვებულს საბოლოოდ შტატების მიხედვით დაკომპლექტებული საარჩევნო კოლეგია გამოავლენს. ამისთვის კანდიდატებს 538-დან სულ მცირე, 270 ხმა სჭირდებათ გამარჯვებისთვის.