ამერიკულ ოცნებაზე ყველას განსხვავებული წარმოდგენები აქვს. აი მაგალითად, თუ დონალდ ტრამპის ბავშვობის სახლში მის საწოლში დაძინებაზე ოცნებობდით, ეს უკვე შეგიძლიათ აისრულოთ და ღამეში 725 დოლარი გადაიხადოთ.

ამ სიამოვნების განხორციელებაში Airbnb გეხმარებათ. თუ შაბათ-კვირის ნიუ-იორკში გატარება გსურთ, საპრეზიდენტო საწოლის დაჯავშნა უკვე შეგიძლიათ.

"ტრამპის ცხოვრების შემდეგ აქ ბევრი არაფერი შეცვლილა, სახლი სრულად წარმოადგენს იმ დროს, რომელშიც ტრამპი ცხოვრობდა", წერია საიტზე.

ტრამპის ბავშვობის სახლს სულ 20 სტუმრის მიღება შეუძლია, ასე რომ შეგიძლიათ მეგობრებთან ერთად შეიკრიბოთ და Fox News-ს უყუროთ.

სახლი 2017 წლის მარტში უცნობმა პირმა 2,14 მილიონ აშშ დოლარად შეიძინა.

ფოტო: Getty Images