საქართველოს შინაგან საქმეთა სამინისტროში ამბობენ, რომ საოკუპაციო ხაზთან მოსახლეობას მოსავლის უსაფრთხოდ აღებაში ეხმარებიან. პრესსამსახურის მიერ გავრცლებული ინფორმაციით, მათი თანამშრომლები არიან ზემო სობისში, ბერშუეთში, კნოლევში, ატოცში, ორჭოსანში, დვანში და სხვა მიმდებარე სოფლებში.

თითქმის ერთი თვის წინ საქართველოს საოკუპაციო ხაზთან ე.წ. საზღვრის აღმნიშვნელი ბანერი კიდევ გაჩნდა. სახელმწიფო უსაფრთხოების სამსახურის განცხადებით, ინფორმაცია, თითქოს რუსმა სამხედროებმა სოფელ ბერშუეთში საოკუპაციო ხაზი გადმოწიეს, სიმართლეს არ შეესაბამება.