მოკლედ: საქართველოს ფინანსთა სამინისტროს საგამოძიებო სამსახურის ინფორმაციით, სახელმწიფო ბიუჯეტის კუთვნილი დიდი ოდენობით თანხის თაღლითურად დაუფლების ფაქტებზე, სისხლისსამართლებრივი დევნა დაიწყო რვა პირის მიმართ.

დეტალები: გამოძიებით დადგინდა, რომ 2021-2023 წლებში, ბრალდებულებმა, მათ მფლობელობაში არსებული კომპანიების სახელით, შემოსავლების სამსახურში წარადგინეს დღგ-ს ყოველთვიური დეკლარაციები, რომლებშიც შეიტანეს ფიქტიური მონაცემები რეალიზებულ საქონელთან მიმართებაში.

ამ გზით, ბრალდებულებმა კომპანიებს შეუქმნეს დღგ-ს ყალბი აქტივი.

  • შედეგად, ბრალდებულები მოტყუებით დაეუფლნენ სახელმწიფო ბიუჯეტის კუთვნილ, ჯამში 704 714 ლარს.

ბოლო ხაზი: გამოძიება გრძელდება საქართველოს სისხლის სამართლის კოდექსის 180-ე მუხლით, რაც სასჯელის სახედ ითვალისწინებს თავისუფლების აღკვეთას 6-დან 9 წლამდე ვადით.