მოკლედ: ფინანსთა სამინისტროს საგამოძიებო სამსახურის ინფორმაციით, დააკავეს ერთი პირი, ხოლო ორს დაუსწრებლად წარუდგინეს ბრალი, ყალბი ოფიციალური და ქონებრივი უფლებამოსილების დამადასტურებელი დოკუმენტების დამზადება-გამოყენების გზით, დიდი ოდენობით სხვისი ქონების თაღლითურად დაუფლების ფაქტზე.

  • ბრალდება 7-დან 10 წლამდე პატიმრობას ითვალისწინებს.

დეტალები: გამოძიებით დადგინდა, რომ ბრალდებულები, უკანონო მატერიალური სარგებლის მიღების მიზნით, ყალბი უცხოენოვანი მინდობილობებისა და ყალბი ნასყიდობის ხელშეკრულებების გამოყენებით, უკანონოდ დაეუფლნენ უცხო ქვეყნის მოქალაქეების კუთვნილ თბილისში მდებარე დაახლოებით 1 480 000 ლარის ღირებულების ორ კომერციულ ფართსა და სამ საცხოვრებელ ბინას.

  • ასევე, ბრალდებულები შეეცადნენ დაუფლებოდნენ თბილისში მდებარე ორ კომერციულ ფართს, რომელიც ღირებულებით დაახლოებით 245 000 ლარია.
  • გამოძიების პროცესში მოტყუებით დაუფლებულ უძრავ ქონებას ყადაღა დაედო.