22 აპრილს მსოფლიო დედამიწის დღეს აღნიშნავს. ამ დღე მსოფლიოს 193-ზე მეტ ქვეყანაში მასშტაბური გარემოსდაცვითი ღონისძიებები ტარდება, რაშიც მილიარდამდე ადამიანია ჩართული. ტრადიციულად, დედამიწის დღე გუგლმა ახალი დუდლით მოგვილოცა და შეგვახსენა, რამდენად მნიშვნელოვანია გარემოზე ზრუნვა.

"დედამიწის დღისადმი მიძღვნილი დუდლი აეროფოტოებით პლანეტის ბუნებრივ სილამაზესა და მრავალფეროვნებას გვაჩვენებს და მომავალი თაობებისთვის მისი დაცვის მნიშვნელობას გვახსენეს", — წერს გუგლი ახალი დუდლის შესახებ.

გუგლის დუდლზე წელს სწორედ ის ადგილებია ნაჩვენები, რომელთა ბიომრავალფეროვნებისა და რესურსების დასაცავად საზოგადოება და ადგილობრივი მთავრობები ერთიანად მუშაობენ. გუგლის განცხადებით, ეს მაგალითები ოპტიმიზმის საფუძველს იძლევა, თუმცა კლიმატის კრიზისიდან გამომდინარე, ჯერ კიდევ ბევრი რამეა გასაკეთებელი.