სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილე, კახა ქემოკლიძე ამბობს, რომ საქართველოში ე.წ. ბორდერიზაცია ივნისს-ივლისშიც გაგრძელდა. მისი თქმით, ეს ე.წ. საზღვრის აღმნიშვნელი ბანერის უკანონო მონტაჟია. ქემოკლიძემ ამის შესახებ საოკუპაციო ხაზთან განაცხადა.

საერთაშორისო თანამეგობრობის მობილიზება ამ დროს საუკეთესო გამოსავალია გრძელვადიან პერსპექტივაში. აღნიშნული ბანერები ზღუდავს ადამიანის ფუნდამენტურ უფლებებს. ეს პირდაპირ აზიანებს უსაფრთხოებას რაზეც ვიკრიბებით ერგნეთსა და IPRM-ის შეხვედრებში," - თქვა სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილემ.

დღეს, 14 ივლისს, დაახლოებით 12 საათზე საქართველოს საოკუპაციო ხაზთან აქცია გაიმართა. აქციის მონაწილეებმა ბანერი აღმართეს სადაც წერია, რომ საქართველოს სახელმწიფო საზღვარი 101 კილომეტრში, როკის გვირაბთანაა. ბანერს საქართველოს და უკრაინის დროშები აქვს მიმაგრებული. აქციაზე შეკრებილები არიან საზოგადოებისა და მედიის წარმომადგენლები და ასევე, პოლიტიკოსები.