2017 წლის 22 სექტემბერს ეკრანზე ემა სტოუნისა და სტივ კარელის მონაწილეობით ახალი ბიოგრაფიული დრამა სქესთა შერკინება გამოვა.

ოსკაროსანი მსახიობი ემა სტოუნი ახალ ფილმში ლეგენდარული ჩოგბურთელის, ბილი ჯინ კინგის როლს შეასრულებს, სტივ კარელი ბობი რიგსის როლს მოირგებს.

ფილმის სიუჟტი ჯინ კინგის გარშემო ვითარდება, რომელსაც დიდი სლემის ტურნირი 12-ჯერ აქვს მოგებული, თუმცა მსოფლიო დიდება მან ერთადერთი თამაშით მოიპოვა, რომელშიც მისი მეტოქე კაცი იყო. 1973 წელს კინგი ბობი რიგსს შეხვდა, რომელიც ქალთა ჩოგბურთს ყოველთვის აგდებით მოიხსენიებდა. ბილი ჯინის ოსტატობა საკმარისი აღმოჩნდა იმისათვის, რომ მას რიგსი სამ სეტში დაემარცხებინა. 40 მილიონმა ტელემაყურებელმა პირდაპირ ეთერში იხილა ახალგაზრდა ქალის გამარჯვება "სქესთა შერკინებაში".