რატომ არის მნიშვნელოვანი: ეს პირველი შემთხვევა არ არის, როდესაც ახალქალაქის მიტროპოლიტი რუსეთის დედაქალაქში ჩადის.

  • ამჯერად ის მაცხოვრის საკათედრო ტაძარში ჩატარებულ წირვას დაესწრო.
  • მოსკოვის საპატრიარქოს ვებგვერდზე გამოქვეყნებული ინფორმაციის თანახმად, მას პატრიარქი კილირე, რუსული და სხვა მართლმადიდებელი ეკლესიები მღვდელმსახურები და ქვეყნის ოფიციალური პირებიც ესწრებოდნენ.
  • მათ შორის, რუსეთის ოფიციალური პირები, რუსეთის ლიბერალ-დემოკრატიული პარტიის თავმჯდომარე, დუმის დეპუტატი, მოსკოვის მერის მრჩეველი, რუსეთის თავდაცვის მინისტრის მოადგილე და სხვები.

დეტალები: საპატრიარქოში ამბობენ, რომ მიტროპოლიტი მოსკოვში მათ არ გაუგზავნიათ და ეს ოფიციალური ვიზიტი არ ყოფილა.

  • "საპატრიარქოს არ ჰქონდა ინფორმაცია იმის შესახებ, რომ მიტროპოლიტი ნიკოლოზი ამ დღეს ღვთისმსახურებას ესწრებოდა, ვიდრე ინტერნეტში არ გავრცელდა შესაბამისი ფაქტის ამსახველი ფოტომასალა", — ვკითხულობთ განცხადებაში.
  • მათივე თქმით, მიტროპოლიტი მოსკოვს "კერძო და პირადი საჭიროებიდან გამომდინარე" სტუმრობს ხოლმე.
  • "რადგან მას რუსეთის დედაქალაქში ჰყავს ოჯახის წევრები და სხვა ახლობლები".

ფაჩუაშვილი ამბობს, რომ ის კირილეს ანგელოზის დღეზე მიიწვიეს, საქართველოს პატრიარქი მის მოსკოვში ვიზიტზე ინფორმირებული იყო, მაგრამ ვერ მოასწრო, წირვაზე დასწრებაზე შეთანხმებოდა.

  • მიტროპოლიტი არასწორ ინფორმაციას უწოდებს იმას, რომ პატრიარქი კირილე ომს აკურთხებს და ახალისებს და მას იმით ხსნის, რომ რუსეთის ეკლესიის იურისდიქცია უკრაინაშიც ვრცელდება.
  • "თავის ეპარქიაში, თავის ადგილობრივ ეკლესიაში, რომელსაც მართავს, ის ვერ აკურთხებს ვერანაირ ომს, იმიტომ, რომ ყველანი მისი სულიერი შვილები არიან".
  • არადა პატრიარქი კირილე პუტინის დაახლოებულ პირად და მისი პოლიტიკის გამტარებლად მიიჩნევა.
  • ის პრობლემას ვერც ეკლესიებს შორის დიალოგებში ხედავს, მეტიც, იმედოვნებს, რომ ეს ევქარისტული კავშირები შედეგს გამოიღებს.