ამის შესახებ WHO-ს გენერალურმა დირექტორმა, ტედროს გებრეისუსმა ისაუბრა.

რატომ არის მნიშვნელოვანი: კორონავირუსი მასიურად 2020 წლის იანვარში გავრცელდა და გლობალური საგანგებო მდგომარეობაც მაშინ დაიწყო, მარტში კი პანდემიად გამოცხადდა.

  • გაეროს ჯანდაცვის სააგენტოს განმარტებით, გლობალური საგანგებო მდგომარეობა გულისხმობს, რომ სიტუაცია არის სერიოზული, უჩვეულო ან მოულოდნელი, რაც გავლენას ახდენს საზოგადოებრივ ჯანმრთელობაზე.
  • ეს პროტოკოლი შექმნილია კოორდინირებული საერთაშორისო რეაგირების გამოსაწვევად, რათა გამარტივდეს ვაქცინებზე და მკურალობის გზებზე წვდომა და ფინანსების მოძიება.
  • ამ 3 წლის განმავლობაში კორონავირუსმა მსოფლიოში მილიონობით ადამიანის სიცოცხლე იმსხვერპლა, რადიკალურად შეცვალა ჩვეული ცხოვრების სტილი და დიდი დარტყმა მიაყენა გლობალურ ეკონომიკას.

დეტალები: 2023 წლის სექტემბრის დასაწყისში მსოფლიოში კორონავირუსით დაღუპულთა რიცხვი ყველაზე დაბალი იყო 2020 წლის მარტის შემდეგ — სწორედ ეს გახდა გარდამტეხი მაჩვენებელი ვირუსთან ბრძოლაში.

  • "ჩვენ ვხედავთ ფინიშის ხაზს, ჩვენ გამარჯვებულ პოზიციაში ვართ. ახლა ყველაზე ცუდი დროა სირბილის შესაჩერებლად. ახლა არის დრო, რომ უფრო ძლიერად ვირბინოთ და დავრწმუნდეთ, რომ გადავლახავთ ზღვარს და მივიღებთ ჩვენი შრომის ყველა ჯილდოს", — ამბობდა WHO-ს დირექტორი სექტემბერში.
  • ჯანდაცვის მსოფლიო ორგანიზაციის დღევანდელი განცხადებით, გლობალური საგანგებო მდგომარეობა ჯანდაცვის სფეროში დასრულდა, ანუ Covid-19 აღარ წარმოადგენს კრიტიკულ და საგანგებო საფრთხეს.

  • გებრეისუსმა დასძინა, რომ გადაწყვეტილება გარკვეული პერიოდის განმავლობაში საგულდაგულოდ იყო განხილული და მონაცემების ფრთხილად ანალიზის საფუძველზე მიიღეს.

  • მანვე გააფრთხილა მსოფლიო, რომ გაფრთხილების უმაღლესი დონის მოხსნა არ ნიშნავს საფრთხის დასრულებას და თუ სიტუაცია შეიცვლება, საგანგებო მდგომარეობა შეიძლება აღდგეს.

საქართველოში კორონავირუსის გავრცელებიდან დღემდე ინფიცირების 1 785 137 შემთხვევაა აღწერილი.

  • გარდაიცვალა 17 000-მდე ადამიანი.
  • დეტალურ სტატისტიკას ინფიცირებისა და გარდაცვალების შემთხვევების შესახებ საქართველოს მთავრობა რამდენიმე თვეა აღარ აქვეყნებს.