მოველი, ამ [ჩეხეთის, გერმანიის, ნორვეგიის, ბრიტანეთის და ჰოლანდიის] საელჩოების მხრიდან, პარლამენტის შენობაზე თავდასხმის დაგმობას, — ამის შესახებ სოციალურ ქსელში ოცნების პარლამენტის თავმჯდომარემ, შალვა პაპუაშვილმა დაწერა.

მისი თქმით, 31 მარტის აქციაზე აქციის მონაწილეებმა პარლამენტს ცეცხლი გაუხსნეს პიროტექნიკით და ამისთვის ზემოთ ჩამოთვლილმა საელჩოებმა ეს თავდასხმა უნდა დაგმონ, რადგან ეს თავდასხმა მათ მიერ დაფინანსებული ენჯეოების ორგანიზებულ აქციაზე მოხდა.

"დღის წინ, ჩეხეთის, გერმანიის, ნორვეგიის ელჩები და ბრიტანეთის და ჰოლანდიის საელჩოების წარმომადგენლები ესტუმრნენ და სოლიდარობა გამოუცხადეს ენჯეოთა გაერთიანებას "ადამიანის უფლებათა სახლს", რომელიც, პროკურატურის გამოძიების თანახმად, ეხმარებოდა პარლამენტთან ძალადობაში ჩართულ აქციის მონაწილეებს, დაკისრებული კანონიერი ჯარიმებისთვის თავის არიდებაში, რაც, ამავე დროს, შემდგომი ძალადობისთვის კარტ-ბლანშის მიცემა და მისი წახალისებაა.

გუშინ საქართველოს პარლამენტის სასახლეს კვლავ გაუხსნეს ცეცხლი პიროტექნიკით.
მოველი, ამ საელჩოების მხრიდან, პარლამენტის შენობაზე თავდასხმის დაგმობას. მით უმეტეს, რომ ეს თავდასხმა მათ მიერ დაფინანსებული ენჯეოების ორგანიზებულ აქციაზე მოხდა," — წერს პაპუაშვილი.