სოციალურ ქსელში გავრცელებულ ლაივ-ვიდეოში ჩანს, რომ მას პოლიციამ "მოქალაქეების უსაფრთხოებიდან გამომდინარე" ჩანთის გახსნა მოსთხოვა, რაზეც ხასაიამ უარი განაცხადა. ამის შემდეგ პოლიციამ ის დააკავა.

NEWS.On.ge-ს რეპორტიორმა კიდევ ერთი მოქალაქის გიორგი დუმბაძის ჩხრეკა გადაიღო.

შეგახსენებთ, რომ დღეს, 31 მარტს, თბილისსა და საქართველოს 6 დიდ ქალაქში 15 საპროტესტო აქცია გაიმართება. საერთო სახალხო პროტესტს უერთდებიან: ზუგდიდში, ბათუმში, ქუთაისში, ახალციხეში, თელავსა და ჩხოროწყუში.

მთავარი საპროტესტო აქცია თბილისში — "დგება ხალხის გაზაფხული" 20:00 საათზე დაიწყება.

21:00 საათზე საზოგადოებას სიტყვით მიმართავს საქართველოს მე-5 პრეზიდენტი — სალომე ზურაბიშვილი.