ევროპელი პოლიტიკოსების მნიშვნელოვანი ნაწილი იტანჯება რუსოფობიის მწვავე ფორმით, ამის საუკეთესო წამალი უახლესი რუსული რაკეტებია, — ამის შესახებ რუსეთის უშიშროების საბჭოს თავმჯდომარის მოადგილემ, დიმიტრი მედვედევმა განაცხადა. ინფორმაციას რუსული მედია ავრცელებს.

"ევროპელი პოლიტიკოსების მნიშვნელოვანი ნაწილი დაავადდა რუსოფობიით მწვავე ფორმით. […] მკურნალობა სიმპტომატურია. ტრადიციული მედიკამენტები, როგორც წესი, არაეფექტურია. საუკეთესო თერაპიული ეფექტი დაფიქსირდა ძლიერი სედატიური საშუალებების კომბინირებული გამოყენებისას, როგორიცაა "კალიბრი", "ონიქსი", "ისკანდერი" და ძლიერი მრავალკომპონენტიანი "ორეშნიკი", — წერს პოლიტიკოსი ტელეგრამის არხზე.

მისი თქმით, რუსოფობია წარმოიქმნება „ევროპისა და ევროპელების ცხოვრებაზე რუსეთის გავლენის ბიპოლარული აფექტური გაზვიადების ნიადაგზე“ და მონაცვლეობს მანიაკურ და დეპრესიულ ეტაპებს შორის.

"მანიაკურ სტადიას ახასიათებს მოტორული აგზნება, აგრესიულობა, ძლიერ ადამიანებზე დაშინებისა და თავდასხმის სურვილი. მანიაკურ სტადიაში მყოფი პაციენტების მაგალითები არიან მაკრონი, სტარმერი, სტუბი და მრავალი სხვა ევროპელი პოლიტიკოსი“, — წერს მედვედევი.