უნგრეთის პრემიერმინისტრი, ვიქტორ ორბანი პარიზის სასამართლოს გადაწყვეტილებას ეხმაურება, რომელმაც ულტრამემარჯვენე პარტია "ეროვნული გაერთიანების" ლიდერი, მარინ ლე პენი და მისი პარტიის 24 წევრი, მათ შორის 9 ყოფილი ევროპარლამენტარი და მათი 12 საპარლამენტო ასისტენტი დამნაშავედ ცნო — მათ ბრალად ედებოდათ ევროპის პარლამენტის მიერ გამოყოფილი საბიუჯეტო თანხების გაფლანგვა.

მე ვარ მარინი!, — დაწერა ორბანმა X-ზე.

მარინ ლე პენს სასამართლომ 2027 წელს საფრანგეთის საპრეზიდენტო არჩევნებში მონაწილეობა აუკრძალა და 4 წლით თავისუფლების აღკვეთა მიუსაჯა. აქედან 2 წელი პირობითი სასჯელი აქვს, 2 წელი — ელექტროსამაჯური უნდა ატაროს. ამას გარდა, ლე პენს 100 000-ევროიანი ჯარიმა დაეკისრა.