სულხან-საბა ორბელიანის უნივერსიტეტი უკვე მეხუთე წელია აგრძელებს ახალგაზრდა მეწარმეების აღმოჩენასა და მხარდაჭერას. პროექტი ერთ-ერთი გამორჩეული ინიციატივაა, რომელიც მიზნად ისახავს ახალგაზრდებისთვის სამეწარმეო უნარ-ჩვევების განვითარებას, მათთვის ინოვაციური იდეების გაღრმავებასა და ბიზნესის სამყაროში პირველი ნაბიჯების გადადგმის მხარდაჭერას.

ბიზნეს მარათონი ყოველწლიურად აერთიანებს სკოლებისა და უნივერსიტეტის მოტივირებულ ახალგაზრდებს, რომლებსაც სურთ, თავიანთი იდეებითა და შემოქმედებითი ენერგიით შეცვალონ მომავალი. პროექტის ფარგლებში, მონაწილეები გადიან სხვადასხვა ტიპის ტრენინგებს, მენტორობას უწევენ გამოცდილი მეწარმეები და უმნიშვნელოვანეს გამოცდილებას აგროვებენ სამეწარმეო სამყაროში.

2025 წლის ბიზნეს მარათონის მნიშვნელოვანი ეტაპები

წელს ბიზნეს მარათონი განსაკუთრებით მრავალფეროვანია და მოიცავს სხვადასხვა ტიპის აქტივობებს, რომლებიც მონაწილეებს დაეხმარება თავიანთი იდეების დახვეწასა და ბიზნეს პროექტების რეალობად ქცევაში.

1. მომავალი მეწარმეების ტრენინგი

თარიღი: 2 აპრილი

თემა: “შენი პირველი ნაბიჯები მეწარმეობაში“

ტრენინგის მიზანია ახალგაზრდებს გააცნოს ბიზნესის ძირითადი პრინციპები, ბაზრის კვლევის მეთოდები, ინოვაციური იდეების კომერციალიზაციის მეთოდები და წარმატებული ბიზნესმოდელების შექმნა.

2. სამეწარმეო იდეების კონკურსი სკოლის მოსწავლეებისთვის

თარიღი: 11 აპრილი
სამიზნე ჯგუფი: მე-10, მე-11 და მე-12 კლასის მოსწავლეები საქართველოს მასშტაბით

კონკურსი მოსწავლეებს საშუალებას აძლევს, წარმოადგინონ თავიანთი ბიზნეს იდეები, გაეცნონ სამეწარმეო სამყაროს, გამარჯვების შემთხვევაში კი, მიიღონ ფულადი პრიზები და სხვა სამოტივაციო საჩუქრები.

პროექტი მათ სთავაზობს შესაძლებლობას, დაეუფლონ ბიზნესის მართვის პირველ ნაბიჯებს და გაიღრმავონ ცოდნა.

2. სტუდენტური სამეწარმეო იდეების კონკურსი

სტუდენტებისთვის ორგანიზებული კონკურსი ერთ-ერთი ყველაზე საინტერესო ეტაპია, რომელსაც მეწარმეობის სფეროში შემდგარი პროფესიონალები შეაფასებენ. კონკურსში მონაწილეობას იღებენ სულხან-საბა ორბელიანის უნივერსიტეტის სტუდენტები, რომლებიც თავიანთ ინოვაციურ პროექტებს ჟიურის წევრებს წარუდგენენ.

შეფასების კრიტერიუმები:

  • იდეის ინოვაციურობა და მდგრადობა
  • ბაზრის საჭიროებასთან შესაბამისობა
  • პროექტის განხორციელებადობა
  • ბიზნესმოდელის ეფექტურობა

გამარჯვებული სტუდენტები დაჯილდოვდებიან სპეციალური პრიზებით, რაც ხელს შეუწყობს მათ სტარტაპ იდეების განვითარებას და ბიზნეს სამყაროში დასამკვიდრებლად საჭირო რესურსების მოპოვებას.

“ჩვენი მიზანია, შევქმნათ გარემო, სადაც ახალგაზრდა ტალანტებს საშუალება ექნებათ, წარმოაჩინონ თავიანთი ინოვაციური იდეები და სამეწარმეო პოტენციალი. ეს პროექტი არ არის მხოლოდ კონკურსი — ეს არის ხიდი, რომელიც დაეხმარება ახალგაზრდებს, გახდნენ მომავლის წარმატებული მეწარმეები და ინოვატორები. ჩვენ გვჯერა, რომ ასეთი ინიციატივები აყალიბებს ახალ თაობას, რომელიც საქართველოს ეკონომიკის განვითარებაში მნიშვნელოვან წვლილს შეიტანს“ — პროფესორი თამთა მიქაბერიძე, ბიზნესისა და ტექნოლოგიების ფაკულტეტის დეკანი.

სულხან-საბა ორბელიანის უნივერსიტეტის ბიზნესისა და ტექნოლოგიების ფაკულტეტი უკვე 5 წელზე მეტია, წარმატებით ახორციელებს ბიზნეს მარათონის პროექტს. ამ წლების განმავლობაში პროექტში მონაწილეობა მიიღო ასობით ახალგაზრდამ, რომელთაგან ბევრი უკვე წარმატებული მეწარმე გახლავთ.

მომავალი თაობის მეწარმეების აღმოჩენა სულხან-საბა ორბელიანის უნივერსიტეტის ბიზნესისა და ტექნოლოგიების ფაკულტეტის ერთ-ერთი უმთავრესი პრიორიტეტია. სწორედ ამიტომ, ბიზნეს მარათონი მომავალშიც გააგრძელებს ახალგაზრდების მოტივრებასა და მათთვის ახალი შესაძლებლობების შექმნას!