საქართველოს ბანკი, როგორც მცირე და საშუალო ბიზნესის მხარდამჭერი ინსტიტუტი, ინოვაციური პროდუქტების შექმნასა და მათ განვითარებაზე მუშაობას აქტიურ რეჟიმში განაგრძობს. ამჯერად, საქართველოს ბანკის შეთავაზებების პლატფორმა — Ads მენეჯერს ახალი ფუნქციონალი დაემატა, რომელიც ბიზნესებს შესაძლებლობას მისცემს განმეორებითი, ყოველკვირეული ან ყოველთვიური შეთავაზებები შექმნან და გაზარდონ მომხმარებლის ლოიალურობა.

აღნიშნული ფუნქციონალის გამოყენებისთვის ბიზნესებმა უნდა მონიშნონ, როგორი შეთავაზება სურთ. მაგალითისთვის, თუ მათი სურვილია, ყოველ ოთხშაბათს, მომხმარებლებმა გადახდილი თანხის 20%-ი დაიბრუნონ, ეს სურვილი შეთავაზების სახით უნდა გააფორმონ. ეს ბიზნესებს შესაძლებლობას აძლევს, პროცესი უფრო ავტომატიზებული გახდეს, რადგან არ მოუწევთ რამდენიმე შეთავაზების შექმნა. ასევე, შეთავაზებისთვის შეუძლიათ აარჩიონ ისეთი დღე, როდესაც განსაკუთრებით სჭირდებათ კონკრეტულ სეგმენტში გაყიდვების ზრდა.

ბიზნესის სპეციფიკიდან გამომდინარე, ყოველკვირეული შეთავაზებების გარდა, ბიზნესებს შეუძლიათ შექმნან ყოველთვიური შეთავაზებაც (მაგალითად, თვის ყოველ 15 რიცხვში). ყოველივე ეს ბიზნესებს შესაძლებლობას აძლევს, მომხმარებლებს სხვადასხვა აქცია სისტემატიურად შესთავაზონ და ამით კიდევ უფრო გაზარდონ ლოიალურობა.

აღსანიშნავია, რომ Ads მენეჯერის ბიზნეს მომხმარებლებს შესაძლებლობას აძლევს, საქართველოს ბანკის 1 500 000-ზე მეტ ციფრულ მომხმარებელს საკუთარი პროდუქტი თუ სერვისი სრულიად უფასოდ გააცნოს და ამით გაყიდვები გაზარდოს.

შეთავაზების შექმნისთვის ეწვიეთ manager.bog.ge-ს თუ ხართ დირექტორი, ხოლო თუ მარკეტერი — სთხოვეთ დირექტორს გაგიწეროთ შესაბამისი როლი.

თუ დირექტორი ხართ, manager.bog.ge-ში შესვლას იმ სახელითა და პაროლით შეძლებთ, რომლითაც ბიზნეს მობილბანკში/ინტერნეტბანკში და ფიზიკური პირის მობილბანკში სარგებლობთ.

შეთავაზების შექმნის ინსტრუქცია იხილეთ აქ.

უფრო ვრცლად, Ads მენეჯერის გამოყენებაზე ბიზნესკურსის გასავლელად ეწვიეთ ბმულს