ინფორმაციას კრემლზე დაყრდნობით რუსული პროპაგანდისტული მედია, რია ავრცელებს.

რატომ არის მნიშვნელოვანი: ომის დაწყების შემდეგ პუტინმა ბუნკერელი დიქტატორის ზედმეტსახელი დაიმსახურა, რადგან თვეების განმავლობაში იმალებოდა.

  • საერთაშორისო, კრიტიკული რუსული და უკრაინული მედია აქტიურად წერდა იმაზე, რომ თავდასხმის შიშით პუტინი არ ესწრებოდა მნიშვნელოვან შეხვედრებს და არ ხვდებოდა ხალხს, მაშინ, როცა ომში მყოფი უკრაინის პრეზიდენტი ყველგან ჩანდა.
  • ომის პერიოდში გავრცელებული რამდენიმე ვიდეო, სადაც თითქოს პუტინიც იყო, აშკარად ტოვებდა ფაბრიკაცისაა და მონტაჟის შთაბეჭდილებას.
  • ფრონტის ხაზზე მარცხისა და წარუმატებლობის შემდე, რუსი ოკპანტების "საბრძოლო სულის ასამაღლებლად", პროპაგანდისტებმა რამდენჯერმე გაავრცელეს ინფორმაცია, თითქოს პუტინი საომარი მოქმედებების ზონაში ჩავიდა.
  • ყოველ ჯერზე საუბარი იყო რუსების მიერ ოკუპირებულ რეგიონებზე: ყირიმი, ლუგანსკი, დონეცკი, მარიუპოლი და ხერსონი.

დეტალები: კრემლის მტკიცებით, ვლადიმერ პუტინი ეწვია დნეპრის ჯარების ჯგუფის შტაბს ხერსონის მიმართულებით და ეროვნული გვარდიის ვოსტოკის ჯგუფის შტაბს ლუგანსკში, თუმცა არ ამბობენ როდის.

  • მათივე მტკიცებით, შეხვედრაზე პრეზიდენტმა სამხედროებს სთხოვა გამოეთქვათ აზრი ხერსონისა და ზაპოროჟიეს მიმართულებებში შექმნილი ვითარების შესახებ.
  • თითქოს დიდი მორწმუნე ყოფილიყო, პუტინმა სამხედროებს აღდგომა მიულოცა და ხატების ასლები გადასცა, არადა სწორედ აღდგომის ღამეს რუსულმა ჯარებმა უკრაინა დაბომბეს.
  • კრემლში ამბობენ, რომ დნეპრის შტაბ-ბინისთვის ხატის გადაცემისას მან აღნიშნა, რომ ხატი ეკუთვნოდა "რუსეთის იმპერიის ერთ-ერთ ყველაზე წარმატებულ თავდაცვის მინისტრს".

გარდა ამისა, მოგვიანებით, რუსმა პროპაგანდისტებმა გაავრცელეს ვიდეო, რომელიც თითქოს პუტინი უკრაინაში ჩასვლას ასახავს.

  • ვიდეოში ჩანს, რომ პუტინი რომელიღაც ქალაქში ან სოფელში ჩაფრინდა, მანქანიდან გადმოვიდა და დაცვით გარშემორტყმული ხვდება სამხედროს.
  • ადგილის იდენტიფიცირება ვერ ხერხდება.