ადვოკატ ლაშა ტყეშელაძის ცნობით, 19 ნოემბრის აქციაზე დაკავებული ისაკო დევიძე ისევ ზაჰესის იზოლატორში დააბრუნეს. მას 8-დღიანი ადმინისტრაციული პატიმრობა შეუფარდეს, რის შემდეგაც მშრალი შიმშილობა დაიწყო და ჯანმრთელობის მდგომარეობის გაუარესების გამო კლინიკა ვივამედში გადაიყვანეს.

"ვივამედის ექიმი არც ადვოკატებს გაგვესაუბრა და არც ოჯახის წევრებს, ისაკოს ჯანმრთელობის შესახებ რომ მოეწოდებინა ინფორმაცია!

ისაკოს ჭირდება 24 საათიანი სამედიცინო მეთვალყურეობა რადგან არის მშრალ შიმშილზე – წყალსაც არ იღებს და იმის მაგივრად ვივამედიში დაეტოვებინათ, ისევ იზოლატორში გადაიყვანეს!

სისტემის ანგარიშსწორება თავისუფალ ადამიანებზე გრძელდება!" – ამბობს ადვოკატი.

ისაკო დევიძემ პროტესტის უმკაცრეს ფორმას, მშრალი შიმშილობას 20 ნოემბერს მიმართა.

"რუსული რეჟიმის მიერ საპროტესტო მოძრაობისას დაკავებული და დევნილი ყველა ადამიანის მიმართ სოლიდარობის ნიშნად ზაჰესის წინასწარი დაკავების იზოლატორში

რუსებმა რომ ვერ წაგვართვან სამშობლო, ყველამ ჩვენი შესაძლებლობების ფარგლებში უნდა ვიბრძოლოთ რეჟიმის წინააღმდეგ. საქართველო გაიმარჯვებს!," – დაწერა ისაკო დევიძემ.